ކުޑަ ކުއްޖަކު ސައިކަލް ވަށިގަނޑަށް ލައިގެން ދުއްވި ފުލުސް މީހާގެ ލައިސެންސް އެއް އަހަރު ދުވަހަށް ހިފަހައްޓައިފިއެވެ.
މި މަހުގެ ތިން ވަނަ ދުވަހު މާލޭގެ ރިންގް ރޯޑުގައި ކުއްޖަކު ސައިކަލެއްގެ ވަށިގަނޑަށް ލައިގެން ދުއްވި ވީޑިއޯ ސޯޝަލް މީޑިއާގައި އާންމުވުމާ އެކު އެކަން ކުރި މީހާ އަށް އާންމުންގެ ބޮޑެތި ފާޑުކިއުންތަކެއް އަމާޒުވި އެވެ.
ފުލުހުން ބުނީ އެކަން ކުރި މީހާއާ މެދު ފިޔަވަޅު އެޅީ އެއްގަމު ދަތުރުފަތުގެ ގާނޫނުގެ 63 ވަނަ މާއްދާގެ (ނ) ގެ ދަށުން ކަމަށެވެ.
April 2 vana dhuvahu kuda kujjaku cycle ge vashigadah laigen dhuvvi faraaiy – Mi faraaiy vany Eggamu dhathurufathuruge qaanoonge 63 vana maadhaage (Noonu)ge dhashun 1 aharu dhuvahah license hifahattaafa. (4/4)
— Maldives Police (@PoliceMv) April 14, 2019
މީގެ އިތުރުން ތ. ތިމަރަފުށީގައި މިދިޔަ މާޗް 12 ވަނަ ދުވަހު ހިނގި ނުރައްކާތެރި އެކްސިޑެންޓުގައި ވޭން ދުއްވަން އިން ދިވެހި މީހާގެ ލައިސެންސް ވަނީ ދެ އަހަރު ދުވަހަށް ހިފަހައްޓާފައެވެ. އެ ހާދިސާގައި އަނިޔާ ލިބުނު އަންހެން މީހާ އަށް ރާއްޖޭން ބޭރުގައި އަންނަނީ ފަރުވާ ހޯދަމުންނެވެ.
ފުލުހުން ބުނީ މިދިޔަ ފެބްރުއަރީ މަހު ސިނަމާލޭ ބްރިޖް ހައިވޭގައި ބާރު ސްޕީޑުގައި ދުއްވި ކާރެއް އެކްސިޑެންޓުންވެއް ފުނޑުފުނޑުވި ހާދިސާއާ ގުޅިގެން އެ ކާރު ދުއްވި މީހާގެ ލައިސަންސް ވެސް ދެ އަހަރު ދުވަހުގެ މުއްދަތަކަށް ހިފަހައްޓާފައިވާ ކަމަށެވެ.