ސިވިލް ސާވިސް ކޮމިޝަންގެ މެމްބަރުން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް ހާޒިރުކުރަން ނިންމައިފިއެވެ.
މިނިވަން މުއައްސަސާތަކާ ބެހޭ ކޮމިޓީގެ މެމްބަރަކާ ހަވާލާދީ "މިހާރު" ނޫހުން ރިޕޯޓުކޮށްފައިވާ ގޮތުގައި ކޮމިޝަނުގެ މެމްބަރުން ހާޒިރުކުރަނީ ގާބިލް މީހުން ތިއްބާ މަގާމުތަކަށް ނާގާބިލު މީހުން އައްޔަން ކުރާ ކަމަށް އަޑުފެތުރުމާ ގުޅިގެންނެވެ. މިމައްސަލައާ ގުޅިގެން ކޮމިޝަންގެ މެމްބަރުން މަޖިލީހަށް ހާޒިރުކުރަން ނިންމާފައިވި ނަމަވެސް އަދި ވަކި ތާރީޚެއް ކޮމިޓީން ކަނޑައެއް ނާޅައެވެ.
މިމައްސަލަ ފާހަގަކޮށް މެމްބަރުން ހާޒިރުކުރަން ހުށައެޅީ އިދިކޮޅު މެމްބަރުން ކަމަށް މައުލޫމާތު ލިބިފައިވެއެވެ. މިނިވަން މުއައްސަސާތަކާ ބެހޭ ކޮމިޓީން ވަނީ ފެނަކަ ކޯޕަރޭޝަނުގެ ވެރިންވެސް، އެ ކުންފުނީގެ މުވައްޒަފުން ވަޒީފާއިން ވަކިކުރި މައްސަލައެއްގައި މަޖިލީހަށް ހާޒިރުކޮށް ސުވާލުކޮށްފައެވެ.
މީގެ އިތުރުން ޑިފެންސް މިނިސްޓަރ މާރިޔާދީދީ އާއި ހައުސިން މިނިސްޓަރު އާތިފާ ޝަކޫރުވެސް ވަނީ މަޖިލީހަށް ހާޒިރުކޮށް ސުވާލުކޮށްފައެވެ.