ޑިމޮކްރެޓިކް ޕާޓީއެއްގަ ވިއްޔާ ޚިޔާލު ތަފާތުވުން އޮންނަންޖެހޭނެ ކަމަށާއި ތަފާތު ޚިޔާލުތަކެއް ފާޅުކުރެވެމުންދާ އިރަށް އެއީ ޕާޓީ ރޫޅެނީ ކަމަށް ދެކިގެން ނުވާނެ އައްޑޫ މީދޫ ދާއިރާގެ ގޮނޑި ދިފާއުކުރެއްވި ރޮޒެއިނާ އާދަމް ވިދާޅުވެއްޖެއެވެ.
އެ ކަމަނާ މިހެން ވިދާޅުވެފައިވަނީ އިއްޔެ ކުރެއްވި ޓްވީޓެއްގައެވެ.
Democratic party ehga viyya khiyaal thafaathuvun onnan jeheyne. Thafaathu khiyaaluge therein hallu hoadhun eyee democratic usoolaky. Thafaathu khiyaalu thakeh faalhukurevemun dhaa irah eyee party roolhenee kamah nuvatha zaathee gothun jassaalan jehey kameh kamah dhekigen nuvaane
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) April 18, 2019
"ޑިމޮކްރެޓިކް ޕާޓީއެއްގަ ވިއްޔާ ޚިޔާލު ތަފާތުވުން އޮންނަން ޖެހޭނެ. ތަފާތު ޚިޔާލުގެ ތެރެއިން ހައްލު ހޯދުން އެއީ ޑިމޮކްރެޓިކް އުސޫލަކީ. ތަފާތު ޚިޔާލުތަކެއް ފާޅު ކުރެވެމުންދާ އިރަށް އެއީ ޕާޓީ ރޫޅެނީ ކަމަށް ނުވަތަ ޒާތީގޮތުން ޖައްސާލަންޖެހޭ ކަމެއް ކަމަށް ދެކިގެން ނުވާނެ." ރޮޒެއިނާ ވިދާޅުވިއެވެ.
އިދިކޮޅު ފަރާތްތަކުން ދަނީ ސަރުކާރު ކޯލިޝަން ތެރޭގައި ރެނދުލާން ފަށާފައިވާ ކަމަށާއި ބައިބައިވާން ފަށާފައިވާކަމަށް ބުނެ އަޑުތައް އަރުވަން ފަށާފައެވެ. ސަރުކާރު ކޯލިޝަން ހެދިއިރު ތިބި ލީޑަރުންގެ ތެރެއިން މަޖިލިސް އިންތިޚާބަށް ނިކުންނަން އުޅުނު ހިސާބުން ވެސް ޖުމްހޫރީ ޕާޓީގެ ލީޑަރު ގާސިމް އިބްރާހީމް ވަނީ ސަރުކާރު ހިންގާ ކޯލިޝަނާއި އަރައިރުންވާން ފަށާފައެވެ. އެހެން ނަމަވެސް އިތުރު އެއްވެސް ލީޑަރެއްގެ ފަރާތުން އެފަދަ މަންޒަރެއް ނުފެނެއެވެ.