ކާށިދޫ ދާއިރާގެ މަޖިލިސް ގޮނޑި ކާމިޔާބުކުރި މަޝްހޫރު ވިޔަފާރިވެރިޔާ އަދި އެދާއިރާގެ ކުރީގެ މެމްބަރު އަބްދުﷲ ޖާބިރު އއ. މަތިވެރީގައި ހަދާފައިވާ ގެސްޓު ހައުސްގައި ހުޅުޖެހި މައްސަލަ އަވަސްކޮށްދެއްވުން އެދިވަޑައިގަންނަވާ ކަމަށް ކުރީގެ ބަންޑާރަ ނައިބުކަން ކުރައްވާފައިވާ އަދި ޖާބިރުގެ އަނބިކަނބަލުން ދިޔާނާ ސައީދު ވިދާޅުވެއްޖެއެވެ.
ދިޔާނާ މިހެން ވިދާޅުވެފައިވަނީ ރައީސް އިބްރާހީމް މުހައްމަދު ސޯލިހްގެ ވެރިކަމުގައި އެއްވެސް ރައްޔިތަކު އިންސާފުން އެއްކިބާ ނުކުރައްވާނެ ކަމަށް ވައުދުވެވަޑައިގެންފައިވާ ކަމަށް ވިދާޅުވެ އެ ކަމަނާ ކުރެއްވި ޓްވީޓެއްގައެވެ.
Raees @ibusolih ge verikamuga evves raiyyithaku insaafun ehkibaa nukuravvanekamah vaudhuvevadaigenfavey. Veemaa RYge dhauruga dhin aniyaa aai nigulhaigaiy haggah insaafu dhevvun lasnukuravvaanekamah ummeedhkuran
Adhi Casa Mia ga hulhujehi massalaige thahgeeg avaskohdhevvun edhen
— Dhiyana 🎈?🌹 (@dhiyanasaid) April 18, 2019
"ރައީސް އިބްރާހީމް މުހައްމަދު ސޯލިހްގެ ވެރިކަމުގައި އެއްވެސް ރައްޔިތަކު އިންސާފުން އެއްކިބާ ނުކުރައްވާނެ ކަމަށް ވައުދުވެވަޑައިގެންފަވޭ. ވީމާ ރައީސް ޔާމީންގެ ދައުރުގައި ދިން އަނިޔާއާއި ނިގުޅައިގަތް ހައްގަށް އިންސާފު ދެއްވުން ލަސްނުކުރައްވާނެ ކަމަށް އުއްމީދު ކުރަން. އަދި ކާސާ މިއާގައި ހުޅުޖެހި މައްސަލައިގެ ތަހުގީގް އަވަސްކޮށް ދެއްވުން އެދެން." ދިޔާނާ ވިދާޅުވިއެވެ.
އއ. މަތިވެރީގައި ހަދާފައިވާ ގެސްޓު ހައުސްގައި ބަޔަކު ގަސްދުގައި ރޯކޮށްލީ ކަމަށް ތުހުމަތުކޮށް އެ މައްސަލަ ޖާބިރު ވަނީ ފުލުހަށް ހުށަހަޅާފައެވެ.