ރައްޔިތުންގެ މަޖިލީހުގެ ރައީސްކަމަށް މާމިގިލީ ދާއިރާގެ މެމްބަރު އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ނަން ހުށަހަޅުއްވާނެ ކަމަށް އަލްހާން ފަހުމީ ވިދާޅުވެއްޖެއެވެ.
އަލްހާން މިހެން ވިދާޅުވެފައިވަނީ އޭނާގެ ރަސްމީ ޓްވީޓާ މެދުވެރިކޮށް ކުރެއްވި ޓްވީޓެއްގައެވެ.
Majlis Raees Kamah @qasimibrahim Ge Nanfulhu Hushahalhan!
Idhikolhu Faraaithakah Efurusathu Dhinumakee Adhi Maa #Nazaahaaitheri Vaane Gotheh Kamah Dheken #Qasim4Speaker @ibusolih pic.twitter.com/2kVBNxQ2jK— 𝗔𝗹𝗵𝗮𝗻 𝗙𝗮𝗵𝗺𝘆 – 𝗔𝗙 (@AlhanFahmy) April 18, 2019
"މަޖިލިސް ރައީސްކަމަށް ގާސިމް އިބްރާހީމްގެ ނަންފުޅު ހުށަހަޅާނަން! އިދިކޮޅު ފަރާތްތަކަށް އެ ފުރުސަތު ދިނުމަކީ އަދި މާ ނަޒާހަތްތެރިވާނެ ގޮތެއް ކަމަށް ދެކެން." އަލްހާން ވިދާޅުވިއެވެ.'
މިފަހަރުގެ މަޖިލިސް އިންތިޚާބުގައި އަލްހާން ވަނީ ހެންވޭރު އުތުރު ދާއިރާ އަށް ކުރިމަތިލައްވާ ނާކާމިޔާބު ވެފައެވެ. މަޖިލީހުގެ ރައީސަކަށް އެންމެ އެކަށީގެންވަނީ މި ފަހަރުގެ އިންތިޚާބުގައި އައްޑޫ ސިޓީ ހިތަދޫ އުތުރު ދާއިރާގެ ގޮނޑި ދިފާޢު ކުރެެއްވި މުހައްމަދު އަސްލަމް ކަމަށް ގިނަ ފަރާތްތަކަކުން ބުނަމުން ދެއެވެ. އެެހެން ނަމަވެސް މަދު މަދުން އެހެން ފަރާތްތަކުން ވެސް އެ މަގާމަށް ޝައުގުވެރިވާ ކަމަށް ވިދާޅުވަމުންދެއެވެ.