ރޭ ފަތިހު މާލޭ މަގުމަތިން ހިނގާފައިދިޔަ ލަންކާ އަންހެނެއްގެ ކަރުގައި އޮތް ރަން ފަށެއް ފޭރިގެންފިއެވެ.
އަންހެން މީހާގެ ކަރުގައި އޮތް ފަށް ފޭރުނު މީހާ ދުއްވައިގަތުމުން އެ ސަރަހައްދުގައި ހުރި ފުލުހަކު ވަނީ އާންމުންގެ އެހީތެރިކަމާއެކު އޭނާ ހިފަހައްޓައި ފޭރުނު ފަށް އަތުލާފައެވެ. ފުލުހުންނާ ހަވާލާދީ ބައެއް މީޑިޔާތަކުގައި ރިޕޯޓުކޮށްފައިވާ ގޮތުން އޭނާއަކީ 24 އަހަރުގެ ދިވެހި ފިރިހެނެކެވެ.
ފޭރުނު ފަށް މިހާރު ވެރިފަރާތާ ހަވާލުކޮށްފައިވާއިރު ފޭރުނު މީހާ މިހާރު ވަނީ ފުލުހުންގެ ބެލުމުގެ ދަށަށް ގެނެވިފައެވެ. ފަހަކަށް އައިސް މާލޭގައި ފޭރުން އިތުރުވެފައިވާއިރު ފުލުހުންގެ ނެއިބަހުޑް ވޮޗް ގާއިމްކޮށްގެންވެސް އެފަދަ ކުށްތައް މަދުކުރެވޭތަނެއް ނުފެނެއެވެ.