އައިއެސްގެ އަވާގައި ޖެހިފައިތިބި ކުދިން ވިސްނާލަންވެއްޖެ ނޫންތޯ ވިދާޅުވެ ޝެއިޚް މުހައްމަދު އަނީލް އެ ފަރާތްތަކާއި ސުވާލު ކުރައްވައިފިއެވެ.
ޝެއިޚް އަނީލް މި ސުވާލު ކުރައްވާފައިވަނީ ދިވެހި އޮންލައިން ނޫހެއްގައި މިއަދުން ފެށިގެން ސްރީލަންކާގައި މޫނު ބުރުގާ އެޅުން މަނާކުރާ ކަމަށް ލިޔެފައިވާ ޚަބަރެއް ޓްވިޓާގައި ހިއްސާ ކުރައްވާ ކުރެއްވި ޓްވީޓެއްގައެވެ.
#IS ge avaagai jehifai thibi kudhin visnaalan vejje noon tho?
Lanka ga #IS in dhin hamalaage sababun Muslimunnah libunu nikamethikamaai, islaamee shiaareh faalhukurun huttuvigen dhiyumuge faafa qiyaamaiy dhuvahun, mikan kuri meehun nagan jeheyne kan Yageenhttps://t.co/MsnqsZ3iT4— Aneel 🇲🇻 (@aneelmv) April 28, 2019
"އައިއެސްގެ އަވާގައި ޖެހިފައިތިބި ކުދިން ވިސްނާލަންވެއްޖެ ނޫންތޯ؟ ލަންކާގައި އައިއެސްއިން ދިން ހަމަލާގެ ސަބަބުން މުސްލިމުންނަށް ލިބުނު ނިކަމެތިކަމާއި، އިސްލާމީ ޝިޢާރެއް ފާޅުކުރުން ހުއްޓުވިގެން ދިޔުމުގެ ފާފަ ޤިޔާމަތްދުވަހުން، މިކަން ކުރި މީހުން ނަގަންޖެހޭނެކަން ޔަގީން." ޝެއިޚް އަނީލް ވިދާޅުވިއެވެ.
މިދިޔަ ހަފްތާގެ އާދިއްތަ ދުވަހު ލަންކާގައި ދިން ބޮމުގެ ހަަމަލާތަކާ ގުޅިގެން އެގައުމުގައި ދަނީ ސަލާމަތީ ގޮތުން ވަރުގަދަ ފިޔަވަޅުތަކެއް އަޅަމުންނެވެ. ލަންކާގެ ރައީސް އޮފީހާ ހަވާލާދީ އެގައުމުގެ މީޑިއާތަކުން ރިޕޯޓުކޮށްފައިވާ ގޮތުގައި ސަލާމަތީ ސަބަބުތަކަށްޓަކައި މިއަދުން ފެށިގެން ކާކުކަން ނޭނގޭ ގޮތަށް އެގައުމައި ހެދުން އެޅުމަކީ މަނާކަމެއްގެ ގޮތުގައި ސަރުކާރުން ނިންމާފައިވާ ކަމަށެވެ. އޭގެ ތެރޭގައި މޫނު ބުރުގާ އެޅުންވެސް ހިމެނެއެވެ.