އަށާރަ ވަނަ ރައްޔިތުންގެ މަޖިލީހުގެ އެންމެ ފަހު ޖަލްސާ މިއަދު ހެނދުނަށް ތާވަލް ކޮށްފައިވާއިރު މިޖަލްސާ ފެށުމަށް ބޭނުންވާ އަދަދަށް މެމްބަރުން ހަމަނުވުމުގެ ސަބަބުން މެދުކަނޑާލަން ޖެހިއްޖެއެވެ.
މިއަދުގެ ޖަލްސާ ފެށިއިރު މަޖިލީހުގެ ތަޅުމުގައި ހާޒިރުވެ ތިބީ އެންމެ 22 މެމްބަރުންނެވެ. ކޯރަމް ހަމަނުވެ ޖަލްސާ ނުފެށި ލަސްވެފައިވާއިރު މިއަދުގެ ޖަލްސާގައި، މެމްބަރުކަން ކޮށްފައިވާ ބޭފުޅުންނަށް ލިބެން ޖެހޭ އިނާޔަތްތަކާ ބެހޭ އިސްލާހު ވެސް އެޖެންޑާ ކުރެވިފައި އެބަ އޮތެވެ.
މިހާރު މަޖިލީހުގެ މެމްބަރުން މިފަހަރު އިންތިޚާބުގައިވެސް ވާދަކޮށްފައިވާއިރު ވަރަށް ގިނަ މެމްބަރުން، ޚާއްސަކޮށް އިދިކޮޅު މެމްބަރުން ވަނީ އިންތިޚާބުން ނާކާމިޔާބުވެފައެވެ.