އަލަށް އިންތިޚާބުވި މަޖިލީހުން ދީނީ މިނިވަންކަން ހޯދުމަށާއި އެއް ޖިންސުން ގުޅުން ހިންގުމުގެ މިނިވަންކަމާއި އެއް ޖިންސުން ކައިވެނި ކުރުމުގެ މިނިވަންކަން ހޯދުމަށް ގޮވައި ބަހުސް ކުރާނެ ކަމަށް ޕީއެންސީގެ ރައީސް އަދި ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ވިދާޅުވެއްޖެއެވެ.
މިފަހަރުގެ އިންތިޚާބުގައިވެސް ވާދަކޮށް ނާކާމިޔާބުވި އަދުރޭ، މިއަދު ބޭއްވުނު 18 ވަނަ މަޖިލީހުގެ ފަހު ޖަލްސާގައި ވާހަކަ ދައްކަވަމުން ވިދާޅުވީ 19 ވަނަ މަޖިލީހުން މިފަދަ ކަންކަމަށް ގޮވި ނަމަވެސް އެކަންކަން ކުރެވޭނެ ކަމަށް ހީކޮށްގެން ނުވާނެ ކަމަށެވެ.
އިސްލާމްދީނާ ކުޅުމުގެ ފުރުސަތެއް ދިވެހި ރައްޔިތުން ނުދޭނެ ކަމަށާއި އިންސާނީ ހައްގުތަކުގެ ނަމުގައި އެފަދަ ކަންކަން ކުރަން ނޫޅުމަށް އޭނާ ވަނީ ގޮވާލާފައެވެ.