ސްރީ ލަންކަންގެ ރޯދަ ހަދިޔާ މިފަހަރު ވަރަށް ޚާއްސަ

ގަމުން ލަންކާއަށް އުދުހެމުން އަންނަ ސްރީ ލަންކަން އެއާލައިންސް އިން ރަމަޟާން މަހާ ދިމާކޮށް ވަރަށް ޚާއްސަ ޕްރޮމޯޝަނެއް ފަށައިފިއެވެ.

ސްރީ ލަންކާގެ އިތުރުން އިންޑިޔާއާއި ތައިލެންޑް އަދި މެލޭޝިޔާއަށް ކުރާ ދަތުރުތަކަށް ވަރަށް ޚާއްސަ އަގުތަކެއް ސްރީ ލަންކަން އިން ތަޢާރަފް ކޮށްފައިވާއިރު ބިޒްނަސް ކްލާސްގައި ދަތުރުކުރައްވާ ފަރާތްތަކަށް %30 ޓިކެޓް ފެއާތަކުން ވަނީ އަގުހެޔޮ ކޮށްފައެވެ.

މީގެ އިތުރުން ގަމުން އިންޑިޔާގެ ކޮޗިންއަށް ދެކޮޅު ޓިކެޓު އެންމެ 259 ޑޮލަރަށް ލިބޭއިރު އެއްކޮޅު ޓިކެޓުގެ އަގު، 154 ޑޮލަރަށް ވަނީ ތިރިކޮށްފައެވެ. އަދި ބެންކޮކަށް ދެކޮޅު ޓިކެޓު 397 ޑޮލަރަށް ލިބޭއިރު އެއްކޮޅު ޓިކެޓުގެ މިހާރުގެ އަގަކީ 259 ޑޮލަރެވެ. ޕްރޮމޯޝަނުގެ ދަށުން މެލޭޝިޔާގެ ކުއަލަލަމްޕޫރަށް 398 ޑޮލަރަށް ދެކޮޅު ޓިކެޓު، އަދި އެއްކޮޅު ޓިކެޓު 299 ޑޮލަރަށް ވަނީ އަގު ހެޔޮވެފައެވެ.

އިންޑިޔާގެ ޗެންނާއި ދެކޮޅު ޓިކެޓުގެ އަގަކީ 269 ޑޮލަރެވެ. ބެންގަލޫރަށް 352 ޑޮލަރަށް ދެވޭއިރު ނިއުދިއްލީ އަށް ދިއުމަށް ދެކޮޅު ޓިކެޓުގެ އަގަކީ 396 ޑޮލަރެވެ. ޗެންނާއީ އެއްކޮޅު ޓިކެޓު 133 ޑޮލަރު، ބެންގަލޫރު 180 އަށް އަދި ދިއްލީ އެއްކޮޅު ޓިކެޓުގެ އަގަކީ 212 ޑޮލަރެވެ.