ރާއްޖޭގެ މަރުކަޒީ ބޭންކު، އެމްއެމްއޭ އަށް މިދިޔަ އަހަރު ލިބުނު ސާފު ފައިދާގެ ގޮތުގައި 246 މިލިއަން ރުފިޔާ ލިބިފައިވާ ކަމަށް ރިޕޯޓްތައް ބުނެފިއެވެ.
އެމްއެމްއޭގެ ތަފާސް ހިސާބުތަކުން ދައްކާ ގޮތުގައި މިއީ އޭގެ ކުރީ އަހަރާ އަޅާ ބަލާއިރު، 65 އިންސައްތަ ކުރިއެރުމެކެވެ. 2017 ވަނަ އަހަރު ސާފު ފައިދާގެ ގޮތުގައި މަރުކަޒީ ބޭންކަށް ލިބިފައިވަނީ 148 މިލިއަން ރުފިޔާއެވެ.
ދިވެހި ރުފިޔާގެ މުއާމަލާތް ތަކުން އެމްއެމްއޭ އަށް 93 މިލިއަން ރުފިޔާ ލިބިފައިވާއިރު 550.7 މިލިއަން އެމެރިކާ ޑޮލަރު އެމްއެމްއޭ އިން ވަނީ ބޭންކުތަކަށް ވިއްކާފައެވެ.