މިސްކިތުގައި އިއުތިކާފަށް ތިބުމަށް ހުރަސްއެޅޭ މާނައެއްގައި ވާހަކައެއް ނުދައްކާ ކަމަށާއި، އަލިއަޅުވާލީ ރާއްޖޭގެ މިސްކިތްތަކުގެ ސާފުތާހިރުކަން ދެމެހެއްޓުމާ ގުޅޭގޮތުން ކަމަށް މާލެ ސިޓީ މޭޔަރ ޝިފާ މުހައްމަދު ވިދާޅުވެއްޖެއެވެ.
ފަހަކަށް އައިސް މާލޭގެ މިސްކިތްތަކުގައި މީހުުން ކައިބޮއެ، އަންނައުނު ދޮވެ ނިދާ ހަދަމުން އަންނަކަން ފާހަގަކުރެވޭ ކަމަށާއި މިކަން ހުއްޓުވުމަށް ސިޓީ ކައުންސިލާއި އާންމު ފަރާތްތަކުން މިސްކިތްތަކުގެ އާބާތުރަފިލުވުމަށް ކުރާ މަސައްކަތުގައި އެންމެންގެ އެއްބާރުލުން ބޭނުންވާ ކަމަށް ޝިފާ ކުރެއްވި ޓުވީޓެއްގައި ވިދާޅުވެފައިވެއެވެ.
Dhivehinge miskihthakugetherey dhivehinge sagaafathai nugulhey gothah nidhaa kaiboi annaunu dhove hadhaa than fenunimaa huhtuvumah masahkai fashamaa. City councillunaai amilla faraithakun miskihthakuge aabathura filuvan kuraa masahkathuga emmege ehbaarulun beynunvey @MaleCitymv
— Shifa Mohammed🎈🇵🇸 (@SifaMohammed) May 4, 2019
ބައެއް މީހުން ވަނީ އެ ޓުވީޓަށް ރައްދު ދެމުން، އެއީ ރަމަޟާން މަހު އިއުތިކާފަށް ތިބޭ މީހުންނާ "ޖައްސާލުން" ކަމަށް ސިފަކޮށް ފާޑުކިޔާފައެވެ.
ނަމަވެސް ޝިފާ ވަނީ ދެއްކެވި ވާހަކަ އޮޅުވާލައި ނުބައި މާނަ ނަގައި އަނބުރަން މަސައްކަތް ނުކުރުމަށް ގޮވާލާފައެވެ. އަދި އިއުތިކާފަށް ތިބުން ހުއްޓުވަން މަސައްކަތެއް ނުކުރާނެ ކަމަށް ވަނީ ވިދާޅުވެފައެވެ.
ރަމަޟާން މަހުގެ ފަހު ދިހައިގައި އިއުތިކާފަށް މިސްކިތްތަކުގައި ތިބޭ މީހުން މިހާރު ވަރަށް ގިނައެވެ. އިއުތިކާފަށް ތިބޭ މީހުން އީދު ދުވަހުގެ ހެނދުނުގެ ކުރިން މިސްކިތުން ނުނިކުންނާނެއެވެ. އިއުތިކާފަށް ތިބެން ހަމަޖެހެނީ ހުއްދަ ދެވޭ މިސްކިތްތަކަށް އެކަނި ކަންވެސް ފާހަގަކޮށްލެވެއެވެ.