ވައިގެ މަގުން އައްޑޫ ސިޓީއަށް މަސްތުވާތަކެތި އެތެރެކުރަން އުޅުނު މީހަކު ގަން އިންޓަނޭޝަނަލް އެއާޕޯޓުން އަތުލައިގެންފިއެވެ.
ފުލުހުން މައުލޫމާތު ދީފައިވާ ގޮތުގައި މަސްތުވާތަކެއްޗާއެކު ހައްޔަރުކޮށްފައިވަނީ 44 އަހަރުގެ މީހެކެވެ. އޭނާގެ ހަށިގަނޑުގައި މަސްތުވާތަކެތި ފޮރުވައިގެން އައްޑުއަށް އެތެރެކުރަން އުޅެނިކޮށް ހިފަހައްޓާ، އެކްސްރޭ ނަގާ ބެލިއިރު މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިހުރި ދަޅުތަކެއް ވަނީ ފެނިފައެވެ.
ފުލުހުން އޭނާ ޗެކްކޮށް ހައްޔަރުކޮށްފައިވަނީ އިއްޔެ ހަވީރު 16:15 ގައި ކަމަށް ވެސް ފުލުހުން މައުލޫމާތު ދީފައިވެއެވެ.
މިމައްސަލަ މިހާރު ގަން ޕޮލިސް ސްޓޭޝަނުން އަންނަނީ އިތުރަށް ތަހުގީގު ކުރަމުންނެވެ.