އައްޑޫ ސީޓީގެ އެކި ސަރަހައްދުތަކުން ކަރަންޓްގެ ޚިދްމަތް ކެޑިއްޖެއެވެ. އެގޮތުން ހިތަދޫން މިރޭ ގާތްގަޑަކަށް 7:50 އިން ފެށިގެން 10 ވަރަކަށް މިނިޓަށް ކަރަންޓްގެ ޚިދްމަތް މެދު ކެޑިފައިވާއިރު އައްޑޫ ސިޓީގެ މަރަދޫ، ފޭދޫންވެސް ވަނީ ކަރަންޓް ކެޑިފައިއެވެ.
އެސްޔޫއެލްގެ އިސްމުވައްޒަފަކު ބުނީ ހިތަދޫން ކަރަންޓް ކަޑަން ދިމާވީ މަރުކަޒީ އިންޖީނުގޭގެ އެއް އިންޖީނުގެ ޓާރބޯއަށް ދިމާވި މައްސަލައަކާއި ގުޅިގެން ދެ ހުރި ތިން އިންޖީނުތަކަށް ލޯޑު ބޮޑުވެގެން ކަމަށެވެ.
މި މައްސަލަ ހައްލު ކުރަމުންދާއިރު އަދިވެސް ބައެއް ސަރަހައްދު ތަކުން ކަރަންޓް ކަޑާލަންޖެހިދާނެ ކަމަށް އޮފިޝަލް މައުލޫމާތު ދެއްވިއެވެ.