މިހާތަނަށް އައިއިރު ރައީސްގެ މަސައްކަތްޕުޅުގައި އިތުބާރު ގެއްލޭނެ އެއްވެސް ކަމެއްނެތް ކަމަށާއި އެހެންކަމުން އެމަނިކުފާނަށް 5 އަހަރު ދޭންޖެހޭ ކަމަށް މަޝްހޫރު ދީނީ އިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް ޒައިދު މިހެން ވިދާޅުވެފައިވަނީ އެ ބޭފުޅާ ކުރެއްވި ޓްވީޓެއްގައެވެ.
Mihaaru Qaumuge nizam oi gothun, alhuganduge ge khiyaalugai, Raeesul Jumhooriyya @ibusolih ah Qaumu hingumuge furihama aaraa baaru libidheyn jehey! Mihaathanah ai iru Raees ge masahkaipulhu ithubaar gelley ehves kameh neh! Emanikfaanah 5 aharu dheynjehey!
— Ali Zaid (@alizaid1000) May 26, 2019
"މިހާރު ޤައުމުގެ ނިޒާމް އޮތްގޮތުން، އަޅުގަނޑުގެ ޚިޔާލުގައި ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހްއަށް ޤައުމު ހިންގުމުގެ ފުރިހަމަ އާރާއިބާރު ލިބިދޭންޖެހޭ! މިހާތަނަށް އައިއިރު ރައީސްގެ މަސައްކަތްޕުޅު އިތުބާރު ގެއްލޭ އެއްވެސް ކަމެއްނެތް! އެމަނިކުފާނަށް 5 އަހަރު ދޭންޖެހޭ!" ޝެއިޚް ޒައިދު ވިދާޅުވިއެވެ.
ދާދިފަހުން މަޖިލީހުގެ ރައީސް ދެއްވި ތަރާވީހެއްގައި ބައިވެރިވެވަޑައިގަތުމަށްފަހު ނޫސްވެރިންނާ ބައްދަލުކުރައްވާ ވާހަކަފުޅުދައްކަވަމުން ރައީސް ޞާލިޙު މަޖިލީހުގެ ރައީސަކަށް އެންމެ އެކަށީގެންވާ ބޭފުޅަކީ ވިލިފުށީ ދާއިރާގެ އިންތިޚާބީ މެންބަރު ޙަޞަން އަފީފު ކަމަށް ވިދާޅުވުމާއި ގުޅިގެން ވަރަށް ގިނަ ފަރާތްތަކުން އެމަނިކުފާނުގެ ބަސްފުޅާއި ނުރުހި ސޯޝަލް މީޑިއާވަނީ ހޫނުވެފައެވެ. ގިނަބަޔަކު ހީކޮށްގެން ތިބީ ރައީސް ޞާލިހުވެސް ތާޢީދު ކުރައްވާނީ އެބޭފުޅެއްގެ ނަން ރައީސް މުޙައްމަދު ނަޝީދު އެންޑޯޒު ކުރައްވާފައިވާ ހިތަދޫ އުތުރު ދާއިރާގެ މެންބަރު މުޙައްމަދު އަސްލަމް ކަމަށެވެ.