ރައްޔިތުންގެ މަޖިލީހުގެ ރައީސަކަށް ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ހޮވުމަށް ފަށާފައިވާ ކެމްޕެއިންގައި އައްޑޫގެ ރައްޔިތުންގެ މަޖިލީހުގެ މެމްބަރުންގެ ތެރެއިން ފާޅުގައި އަސްލަމް އާއި ދެކޮޅަށް މީދޫ ދާއިރާގެ މެމްބަރު ރޮޒެއިނާ ނިކުންނެވުމުން އައްޑޫގެ ގިނަ ބައެއްގެ ފާޑު ކިއުން ރޮޒެއިނާއަށް އަމާޒުވެއްޖެއެވެ.
މާދަމާ ބާއްވާ މަޖްލިސް ހުޅުވުމުގެ ޖަލްސާގައި މަޖްލިސްގެ ރައީސް ކަނޑައެޅުމަށް ވޯޓު ނަގާނެއެވެ. މަޖްލިސްގެ ރައީސް ކަމަށް މިހާރު ކުރިމަތިލައްވާފައި ތިއްބެވީ އަސްލަމްގެ އިތުރުން ވިލުފުށީ ދާއިރާގެ މެމްބަރު ހަސަން އަފީފުއެވެ. ރައީސް ނަޝީދު އާއި އެމްޑީޕީ ގްރާސްރޫޓު ގިނަ މެމްބަރުން ތިއްބެވީ އަސްލަމްއަށް ތާއިދު ކުރައްވައިގެންނެވެ.
ބައެއް ވަޒީރުންނާއި ރައީސް އިބްރާހިމް މުހައްމަދު ސޯލިހުގެ ތާއިދު އޮތީ ހަސަން އަފީފަށެވެ.
RJ Hon. Ibrahim Mohamed Solih ge Sarukaaru Dhifaau Kurumah Addu City adhi Khaassa Koh Feydhoo Rayyithun ge Vindhaai Eggothah Majilis Raees akah @aslamdp adhi Naib Raees akah @evattey ah Vote Dhinumah Alhugandu Ninmaifin! Abadhuves Hunnaany Rayyithunnaai Eku! @MDPSecretariat
— Feydhoo Meehaa ? (@nihad_m) May 26, 2019
މަޖްލިސްގެ ރައީސަކަށް މުހައްމަދު އަސްލަމަށް ވޯޓު ދެއްވާނެކަން ހުޅުދޫ ދާއިރާގެ މެމްބަރު އިލްޔާސް ލަބީބު އާއި ފޭދޫ ދާއިރާގެ މެމްބަރު މުހައްމަދު ނިހާދުގެ އިތުރުން ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލްވަނީ ފާޅުގައި ވިދާޅުވެފައެވެ.
Alhugadu ge thaaeedhu #Majlis19 Raees akah MP @aslamdp ah adhi Naib Raees kamah MP @evattey ah. pic.twitter.com/UBdDR1wwhS
— ilyas labeeb ? (@ilyas_labeeb) April 18, 2019
މަރަދޫ ދާއިރާގެ މެމްބަރު އިބްރާހިމް ޝަރީފު މަޖްލިސް ރައީސްކަމަށް ޝައުގުވެރިކަން ފާޅުކޮށްފައިވާއިރު ސީދާ ވަކި ބޭފުޅަށް ކެމްޕެއިން ނުކުރައްވައެވެ. ހިތަދޫ މެދު ދާއިރާގެ މެމްބަރު އަހުމަދު ރަޝީދުވަނީ ގިނަ ރައްޔިތުންގެ ހާޒިރުގައި މަޖްލިސްގައި ދޭ ފުރަތަމަ ވޯޓު އަސްލަމްއަށް ދެއްވާނެކަމަށް ވިދާޅުވެފައެވެ.
Hithadhoo Dhekunu dhaaira ge memberunaa gina aanmu memberun beynun vaa gothah, alhugandu ge vote dheynee majlis raees kamah @aslamdp adhi naib raees kamah @evattey ah.
— Nazil (@HithadhooNazil) May 26, 2019
އަސްލަމާއި ދެކޮޅަށް ކެމްޕެއިން ކުރައްވަމުން ގެންދަވާ ރޮޒެއިނާ ވިދާޅުވީ އޭނާ އަސްލަމްއަށް ވޯޓު ދެއްވަން ޖެހޭ އެއްވެސް ސަބަބެއް ނެތް ކަމަށެވެ. އަދި އޭނާ ވޯޓު ދެއްވާނީ މީދޫ ދާއިރާގެ ރައްޔިތުން އެދޭ ގޮތަށް ވިދާޅުވުމުން ގިނަ ރައްޔިތުންދަނީ އެކަމާއި ރޮޒެއިނާއަށް ފާޑު ވިދާޅުވަމުންނެވެ. އޭގެ ތެރޭގައި ދާއިރާގެ ރައްޔިތުންގެ އިތުރުން އައްޑޫގެ އެކި ރަށްތަކުގެ ރައްޔިތުން ހިމެނެއެވެ.
Alhugandu mee thibeyfulhaage dhaairaa ge rayyitheh. Ibu Solih akah verikamuge thin baaru vaki kurevifaivaa nizaamehga raeesakah hure majlis ga baavvaa inthihaabakah lafa eh nudhevveyne. Ekan thibeyfulhaa ah maa rangalhah engilavvaane dhehtho? Afeef akah neiy thaaeedeh.Aduassavaa!
— Aishath Rayaheen (@alifu_raa) May 26, 2019
މަޖްލިސްގެ ރައީސްގެ ކެމްޕެއިން ފޯރިގަދަ ވެފައިވާއިރު ބައެއް ވަޒީރުން މެމްބަރުންނަށް ބިރު ދައްކަމުންދާ ކަމުގެ އަޑުތައްވެސް ވަނީ ފެތުރިފައެވެ. އެގޮތުން ބައެއް ދާއިރާތަކަށް ސަރުކާރުން މަޝްރޫއުތައް ހިންގައިދޭނީ ރައީސް އިބްރާހިމް މުހައްމަދު ސޯލިހު ބޭނުންފުޅުވާ ކެންޑިޑޭޓު ހަސަން އަފީފަށް ވޯޓު ދެއްވައިގެން ކަމަށް ދެކެވޭ ވާހަކަތައް ސޯޝަލް މީޑިއާގައި ދަނީ ފެތުރެމުންނެވެ.
މީގެ އިތުރުން ރައީސް ނަޝީދާއި ރައީސް ސޯލިހުގެ އަރިސް އާއިލީ ބޭފުޅުންވެސް ގެންދަވަނީ އެއް ބަޔަކު އަނެއްބަޔަކަށް ބަހުގެ ހަމަލާ ދެއްވަމުންނެވެ.