ރައީސް ނަޝީދާއި ރައީސް އިބްރާހިމް މުހައްމަދު ސޯލިހުއަށް ހައްލު ނުކުރެވޭ ވަރުގެ މައްސަލައެއް އެމްޑީޕީ ތެރޭގައި އޮވެގެން ނުވާނެކަމަށް ޓޫރިޒަމް މިނިސްޓަރ އަދި ކުރީގެ އެމްޑީޕީގެ ޗެއާޕާސަން އަލީ ވަހީދު ވިދާޅުވެއްޖެއެވެ.
Raeesuljumhooriyyaa @ibusolih aa Raees @MohamedNasheed akee 2012 February 7 in 2018 November 17 ah MDP adhi raajjeyge islaahee rayyithun kuri bura massaiykathuge aarukaateen. Rayyithun super majority dhevvee nuhanu foni unmeedhuga. Hallu nukureveyvaruge massalaeh ovegen nuvaane? pic.twitter.com/ZECVpFDSZv
— Ali Waheed (@ali20waheed) May 27, 2019
އަލީ ވަހީދު މިފަދައިން ވިދާޅުވެފައިވަނީ މަޖްލިސްގެ ރައީސަކަށް ބޭފުޅަކު ކަނޑައެޅުމާއި ގުޅޭ ގޮތުން ރައީސް ނަޝީދާއި ރައީސް އިބްރާހިމް މުހައްމަދު ސޯލިހު އާއި ދެމެދު ހިޔާލު ތަފާތުވުން އުފެދިފައިވަނިކޮށެވެ. އެމްޑީޕީގެ އާއްމު މެމްބަރުންނާއި ރައީސް ނަޝީދު ތާއިދު ކުރައްވަނީ މަޖްލިސްގެ ރައީސް ކަމަށް ހިތަދޫ އުތުރު ދާއިރާގެ މެމްބަރު މުހައްމަދު އަސްލަމަށެވެ. ރައިސް ސޯލިހު އާއި ބައެއް ވަޒީރުން ތާއިދު ކުރައްވަނީ ވިލުފުށީ ދާއިރާގެ މެމްބަރު ހަސަން އަފީފުއަށެވެ.
އަލީ ވަހީދު ވިދާޅުވީ ރައްޔިތުން ރައީސް ނަޝީދާއި ރައީސް ސޯލިހަށް ސުޕަމެޖޯރިޓީ ދެއްވީ ނުހަނު ފޮނި އުއްމީދުގައި ކަމަށެވެ. އަދި ހައްލު ނުކުރެވޭވަރުގެ މައްސަލައެއް ދެބޭފުޅުންގެ ދެމެދުގައި އޮވެގެން ނުވާނެކަމަށެވެ.
މަޖްލިސްގެ ރައީސްގެ މައްސަލާގައި ގިނަ ހިޔާލު ތަފާތުވުންތަކެއް ވަނީ ޕާޓީ ތެރޭގައި އުފެދިފައެވެ. ހިޔާލު ތަފާތުވުން ތަކާއި އެކު މިރޭ ޕާލިމެންޓްރީ ގްރޫޕުގެ ބައްދަލުވުމެއްގައި މަޖްލިސްގެ ރައީސާއި ނައިބް ރައީސް ކަނޑައަޅާނެއެވެ.