ރައީސް ނަޝީދުއާއި ނުލާ މި ސަރުކާރު ވާނީ %5 ހުދު ކާފޫރަށް ކަމަށާއި ޖެހޭނީ ވަހީދަށް ޖެހުނު ދަތުރު ކަމަށް ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައިވަނީ މަޖިލިސް ރައީސް ހޮވުމަށް ބޭއްވި ޖަލްސާއަށް އިޝާރާތް ކުރައްވާ ކުރެއްވި ޓްވީޓެއްގައެވެ.
Raees Nadheed aa Nulaa misarukaaru vaanee 5% hudhu Kaafoorah jeheynee Waheed ah jehunu dhathuru.
— Mohamed Musthafa (@Thimarafushi) May 27, 2019
"ރައީސް ނަޝީދުއާއި ނުލާ މި ސަރުކާރު ވާނީ %5 ހުދު ކާފޫރަށް ޖެހޭނީ ވަހީދަށް ޖެހުނު ދަތުރު." މުސްތަފާ ވިދާޅުވިއެވެ.
އޭގެ ކުރިން މުސްތަފާ ކުރެއްވި ޓްވީޓެއްގައި ވަނީ މަޖިލީހުގެ ތަޅުމުގައި މެމްބަރުގެ ބަދަލުގައި ރައީސް ނަޝީދަށް "އިއްޒަތްތެރި ރައީސް" ވިދާޅުވެ މުޚާތަބް ކުރެވިފައިވާތީ އެކަމަށް ތައުރީފް ކުރައްވާފައެވެ.
Ihthifaagun majilis floor ga Ves ihzaiytheri RAEES!
Majilis floor ga ihzaiytheri member ge badhaluga “ihzaiytheri Raees” Hurihaa irehgeves Alhugandumenge Raees @MohamedNasheed 👏👏👏👏👏👏— Mohamed Musthafa (@Thimarafushi) May 27, 2019
"އިއްތިފާގުން މަޖިލިސް ފްލޯގަވެސް އިއްޒަތްތެރި ރައީސް! މަޖިލިސް ފްލޯގަ އިއްޒަތްތެރި މެމްބަރުގެ ބަދަލުގައި "އިއްޒަތްތެރި ރައީސް" ހުރިހާ އިރެއްގައިވެސް އަޅުގަނޑުމެންގެ ރައީސް މުހައްމަދު ނަޝީދު" މުސްތަފާ ވިދާޅުވިއެވެ.
އެމްޑީޕީގެ ޕާލަމެންޓްރީ ގްރޫޕްގެ ބައްދަލުވުމުގައި ބައިވެރިވެ ވަޑައިގެންނެވި 64 މެމްބަރުންގެ އިއްތިފާގުންވަނީ ރައްޔިތުންގެ މަޖިލީހުގެ ރައީސަކަށް ކުރީގެ ރައީސް އަދި މައްޗަންގޯޅި މެދު ދާއިރާގެ މެމްބަރު މުހައްމަދު ނަޝީދު ގެންނަން އެމްޑީޕީން ފާސްކޮށްފައެވެ. އަދި ހަމަ އެވަރަށް ތާއީދާއެކު ރައްޔިތުންގެ މަޖިލީހުގެ ނައިބު ރައީސަކަށް ގަލޮޅު އުތުރު ދާއިރާގެ މެމްބަރު އީވާ އަބްދުﷲ ގެންނަން އެމްޑީޕީން ވަނީ ފާސްކޮށްފައެވެ.