ޖުޑީޝަލް ސަރވިސް ކަމިޝަން (ޖޭއެސްސީ) އަށް ތުޅާދޫ ދާއިރާގެ މެމްބަރު ހިސާން ހުސައިން އައްޔަން ކުރުމަށް ރައްޔިތުންގެ މަޖިލީހުން ރުހުންދީފިއެވެ.
ހިސާން ޖޭއެސްސީގެ މެމްބަރުކަަމަށް އައްޔަން ކުރުމަށް މަޖްލިސްއިން ފާސްކޮށްފައިވަނީ މަޖްލިސްގެ 81 މެމްބަރުންގެ ތާއިދާއި އެކުއެވެ.
ހިސާންގެ ނަން ޖޭއެސްސީގެ މެމްބަރު ކަމަށް ހުށަހެޅުމަށް މިއަދު ހެނދުނު އެމްޑީޕީގެ ޕީޖީ ގްރޫޕުގެ އިއްތިފާގުން ވަނީ ފާސްކޮށްފައެވެ.
އިނގިރޭސިވިލާތުން ގާނޫނީ ދާއިރާއިން އިން 2005 ވަނަ އަހަރު މާސްޓާޒް ފުރިހަމަކުރައްވާފައިވާ ހިސާން އަކީ ރައީސް ނަޝީދުގެ ގާނޫނީ ޓީމުގެ އިސް މެމްބަރެކެވެ. އަދި އެމްޑީޕީން މަޖްލިސް 19އަށް އެކުލަވާލި އެޖެންޑާ 19 ގެ މުހިންމު އެއް ބައި ކަމަށްވާ ޝަރުއީ ދާއިރާ އިސްލާހު ކުރުމަށް ހިމެނި ސިޔާސަތަކީ ހިސާންގެ ބޮޑު އެއްބާރުލެއްވުމަކާ އެކީ ތައްޔާރު ކުރި ސިޔާސަތެކެވެ.