އިންޑިއާއިން ރާއްޖެ ކަނޑައަޅުއްވާފައި ހުންނަވާ ސަފީރު، ހިޒް އެކްސެލެންސީ ސަންޖޭ ސުދީރު ރައްްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުގެ އަރިހަށް މިއަދު އިޙުތިރާމުގެ ޒިޔާރަތެއްކުރައްވައިފިއެވެ.
ރައްޔިތުންގެ މަޖިލީހުގެ އިދާރާގައި މިއަދު ހެނދު ރައީސް ނަޝީދު އާއި ސަންޖޭ ސުދީރު ބައްދަލު ކުރެއްވި އިރު އިއްޔެ ބޭއްވި މަޖްލިސް ޖަލްސާގައި މަޖްލިސް މެމްބަރުން ވަނީ އަންނަ މަހު އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެ ކުރައްވާ ރަސްމީ ދަތުރުފުޅުގައި ރައްޔިތުންގެ މަޖިލީހުގެ ތަގްރީރު ކުރެއްވުމަށް ފާސްކޮށްފައެވެ.
އިންޑިއާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ހިޒް އެކްސެލެންސީ ސަންޖޭ ސުދީރު ރައްްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުގެ އަރިހަށް އިޙުތިރާމުގެ ޒިޔާރަތެއްކުރައްވައިފި
Indian Ambassador H.E @sunjaysudhir calls on the Speaker pic.twitter.com/pZm5dQAGkw
— People's Majlis (@mvpeoplesmajlis) May 30, 2019
ސުދީރު އާއި ނަޝީދު ބައްދަލުވުމުގެ ތަފްސީލެއް އަދި މަޖްލިސް އިދާރާއިން ހާމަކޮށްފައި ނުވެއެވެ.
ބޮޑުވަޒީރު ނަރެންދުރަ މޯދީ ރާއްޖެއަށް އަންނަ މަހު ރަސްމީ ދަތުރުފުޅެއް ކުރައްވާކަން ހާމަ ކުރެއްވީ ހޯމަ ދުވަހުގެ ރޭ ބޭއްވި 19 ވަަނަ މަޖްލިސް ހުޅުވުމުގެ ރަސްމިއްޔާތުގައި ރައީސް ނަޝީދެވެ. މޯދީ ރާއްޖެ ވަޑައިގަންނަވާ އިރު ރާއްޖެއާއި އިންޑިއާ އާއި ދެމެދު އޮތް ގުޅުން އިތުރަށް ވަނީ ބަދަހިވެފައެވެ.