ރައްޔިތުންގެ މަޖިލީހުގެ މުވައްޒަފުންނާއި ބައްދަލު ކުރައްވައި މުވައްޒަފުން ކުރައްވަމުން ގެންދަވާ މަސައްކަތަށް ރައީސް ނަޝީދު ހިތްވަރު ދެއްވައިފިއެވެ.
ނަޝީދު ވަނީ 19 ވަނަ ރައްޔިތުންގެ މަޖްލީހަކީ ރައްޔިތުންނަށް ލާބަ އާއި މަންފާ ހުރިތަނެއް ކަމަށް ހައްދަވާނެކަމަށް ވިދާޅުވެފައެވެ. އެގޮތުން މުވައްޒަފުން މަޖްލިސްގެ މަސައްކަތްތައް ބާރަށް ކުރިއަށް ގެންދިއުމަށް އެދިވަޑައިގެންނެވިއެވެ.
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ރައްޔިތުންގެ މަޖިލީހުގެ އިދާރާގެ މުވައްޒަފުންނާ ބައްދަލުކުރައްވާ ހިތްވަރު ދެއްވައިފި pic.twitter.com/iak4gYDH9r
— People's Majlis (@mvpeoplesmajlis) May 30, 2019
މީގެ އިތުރުން މުވައްޒަފުންގެ ހުރި ކަންބޮޑުވުންތައް އަޑުއައްސަވައި އެކަންކަން ހައްލުކޮށްދެއްވުމަށް މަސައްކަތް ކުރައްވާނެކަމަށް ރައީސް ނަޝީދު ވިދާޅުވިއެވެ.
މަޖްލިސްއިން ވަނީ ހަފްތާއަކު 2 ފަހަރު ނޫސްވެރިންނާއި ބައްދަލުކޮށް މަޖްލިސްގެ އިދާރާގައި ކުރެެވެމުންދާ މަސައްކަތްތަކާއި ކުރިއަށް ހުރި މަސައްކަތް ހިއްސާ ކުރުމަށް ނިންމާފައެވެ.