ފިނޭންސް މިނިސްޓްރީގެ މުވައްޒަފުންގެ ފަރާތުން އެހީތެރިކަން ބޭނުންވާ 20 އާއިލާއަކަށް ފިތުރު އީދު ހަދިޔާ ހަވާލުކޮށްފިއެވެ.
މިނިސްޓްރީގެ މުވައްޒަފުންގެ އިސްނެގުމާއި އެކު ކުރިއަށް ގެންދިޔަ އީދު ހަދިޔާ ދިނުމަށް މުވައްޒަފުން ހަދިޔާކުރި 23،220 ރުފިޔާ ވަނީ ރޭ އެހީތެރިކަން ބޭނުންވާ އާއިލާ ތަކާއި ހަވާލުކޮށްފައެވެ.
ފިނޭންސް މިނިސްޓަރ އިބްރާހިމް އަމީރު މަގާމާއި ހަވާލުވެވަޑައިގަތުމަށްފަހު މިނިސްޓްރީގެ އޮނިގަނޑު ހަރުދަނާ ކުރުމުގެ ގޮތުން މުވައްޒަފުންނާއި މުވައްސަސާ ތަކާއި އެކު ގުޅުން ބަދަހި ކުރުމަށް ދަނީ ގިނަ މަސައްކްތ ކުރައްވަމުންނެވެ. އެގޮތުން މި ރަމަޟާން މަހު މުވައްޒަފުންގެ މެދުގައި ކޮންމެ ދުވަހަކު "މާލީ ތަށިބަރި ޗެލެންޖު" ނަމުގައި ކާތަކެތި އެއް މުވައްޒަފު އަނެއް މުވައްޒަފަށް ހަދިޔާ ކުރުމުގެ ހަރަކާތެއް ވަނީ ހިންގަވާފައެވެ.
މީގެ އިތުރުން "މާލީ ތަށިބަރި ޗެލެންޖް" ނިންމުމުގެ ގޮތުން މުއައްސަސާތަކުގެ ވެރިންނާއި މިނިސްޓްރީއަށް ޚިދުމަތްތަކެއް ކޮށްދެއްވާފައިވާ ފަރާތަކަށް ރަމަޟާންމަހުގެ ފަހު ދުވަހު ވަނީ ތަށިބަރި ހަވާލު ކޮށްފައެވެ.
ފިނޭންސް މިނިސްޓްރީން އަންނަނީ ރައްޔިތުންނަށް ފޯރުކޮށްދެމުންދާ ހިދްމަތްތަކުގެ މައުލޫމާތުވެސް ރައްޔިތުންނާއި ހިއްސާ ކުރަމުންނެވެ. އެގޮތުން ދައުލަތުގެ މާލީ ހަރަދުތަކުގެ ތަފްސީލް އަންނަނީ ހާމަ ކުރަމުންނެވެ.