ސަދަން ފާމާސް ކޯޕަރޭޓިވް ސޮސައިޓީ (އެސްއެފްސީއެސް) ގެ އަހަރީ އާންމު ޖަލްސާ މި މަހުގެ 23 ވަނަ ދުވަހު ބާއްވާ ގޮތަށް ހަމަޖައްސައި ހިންގާ ކޮމިޓީ އަށް ކުރިމަތިލުމުގެ ފުރުސަތު ހުޅުވާލައިފި އެވެ.
ދަނޑުވެރިކަން ތަރައްގީކޮށް ކުރިއެރުވުމަށް މަސައްކަތް ކުރާ އެސްއެފްސީއެސް އިން ނެރެފައިވާ ބަޔާނެއްގައި ބުނެފައި ވަނީ އެ ކޯޕަރޭޓިވްގެ އަހަރީ އާންމު ޖަލްސާ އޮންނާނީ މި މަހުގެ 23 ވަނަ ދުވަހުގެ ރޭ 8:30 ގައި މަރަދޫ އިރުޝާދިއްޔާ ސްކޫލްގައި ކަމަށެވެ. އެހެންވެ ކޯޕަރޭޓިވްގެ ހުރިހާ މެމްބަރުންނަށް އެ ޖަލްސާ އަށް ވަނީ ދައުވަތު އަރުވާފަ އެވެ.
އެސްއެފްސީއެސް އިން ބުނީ އެ ބައްދަލުވުމަށް މެމްބަރަކަށް ހާޒިރު ނުވެވޭ ނަމަ ބަދަލުގައި މީހަކު ފޮނުވި ދާނެ ކަމަށެވެ.
އެގޮތުން ބަދަލުގައި މީހަކު ފޮނުވާ ނަމަ މި މަހުގެ 20 ދުވަހު 7922694 އަށް ގުޅައިގެން އެކަން ހަމަޖެއްސުމަށް ވަނީ އެދިފަ އެވެ.
އެސްއެފްސީއެސް ބުނީ އެ ކޯޕަރޭޓިވްގެ ހިންގާ ކޮމިޓީ އަށް ކުރިމަތިލުމުގެ ފުރުސަތު ހުޅުވާލާފައި ވަނީ 20 ވަނަ ދުވަހާ ހަމައަށް ކަމަށެވެ.
އެގޮތުން ކޯޕަރޭޓިވްގެ މެމްބަރުންނަށް ވަނީ ޗެއާމަން، ވައިސް ޗެއާމަން، ސެކްރެޓަރީ، ޓްރެޝަރާ، ރެޖިސްޓްރާ އަދި އިތުރު ދެ މެމްބަރުންގެ މަގާމަށް ކުރިމަތިލުމުގެ ފުރުސަތު ހުޅުވާލާފަ އެވެ.