ހިތަދޫގެ ބުކް ޝޮޕެއް ކަމަށްވާ "ބުކްސީޒަން" އިން މިއަހަރު ސްކޫލް ސީޒަނުގައި ކުރިއަށްގެންދިޔަ ފޮތްލިސްޓް ލަކީ ޑްރޯގެ ގުރުއަތުލުން މާދަމާ ރޭ ބާއްވާނެ ކަމަށް އެ ފިހާރަ އިން ބުނެފި އެވެ.
ބުކްސީޒަން ފިހާރައިން ބުނީ ލަކީ ޑްރޯ އޮންނާނީ މާދަމާރޭ 8:30 ގައި އެ ފިހާރާގައި ކަމަށެވެ. އެއްވަނަ އިނާމަކަށް
-/10،000 ރުފިޔާ އަދި ދެވަނަ އިނާމަކަށް -/5000 ރުފިޔާ އަދި ތިންވަނަ ފަރާތަކަށް -/3000 ރުފިޔާ ހުށަހަޅާފައިވާ މި ލަކީ ޑްރޯގައި އިތުރު ދިހަ ފަރާތެއް ހޮވާނެ ކަމަށް އެ ފިހާރައިން ބުނެ އެވެ.
އެގޮތުން ހޮވާ 10 ފަރާތަކަށް ގިފްޓް ޕެކް ދިނުމަށް ވަނީ ހަމަޖެހިފައެވެ. ބުކްސީޒަނުން ބުނީ މާދަމާ ރޭ 8:30 ލަކީ ޑްރޯ ނެގުމަށް ފަހު ނަސީބު ވެރި ފަރާތްތައް އިއްލާން ކުރާނެ ކަމަށެވެ. އަދި ލަކީ ޑްރޯ ކުރިއަށްދާ ވަގުތު މި ޑްރޯގައި ބައިވެރިވެފައިވާ ފަރާތަކުން ބައިވެރިވުމަށް އެފިހާރައިން އެދެ އެވެ.
އައްޑޫގައި ފުޅާ ދާއިރާއެއްގައި ސްޓޭޝަނަރީޒް ވިއްކާ ބުކް ސީޒަނަކީ ހިތަދޫގައި އެންމެ ދުވަސްވީ ސްޓޭޝަނަރީ ފިހާރަ އެވެ.