ސ. ފޭދޫ ގެއަކުން ވައްކަންކޮށްގެން ފިލަން އުޅުނު ކަމަށް ބެެލެވޭ މީހަކު ރޭ ފުލުހުން ހައްޔަރުކޮށްފި އެވެ.
ފުލުހުން އައްޑޫގައި ކުރިއަށް ގެންދާ "އަފިރިންގެ އަމާން އައްޑޫ ސިޓީ" އޮޕަރޭޝަނުގައި ރޭ އަތުލައިގަތް މީހާގެ އަތުން ވަގަށް ނަގާފައިވާ ކަމަށް ބެލެވޭ ދެ އައިޕޮޑާއި މަސްތުވާތަކެތި ކަމަށް ބެލެވޭ އެއްޗެއް އަޅާފައި އޮތް އެއް ޕީސް ފެނިފައިވާ ކަމަށް ފުލުހުން ބުންޏެވެ.
އެހެން ނަމަވެސް ހައްޔަރު ކުރި މީހާ އާ ބެހޭ އެއްވެސް ތަފުސީލެއް ފުލުހުން ނުދެ އެވެ.
މިހާރަކަށް އައިސް ފޭދޫގައި ވަގުންގެ އުނދަގޫ ބޮޑުވެފައިވާ ކަަމަށް ބުނެ އާންމުން ދަނީ އެކަމާ ކަންބޮޑުވުން ފާޅު ކުރަމުންނެވެ.