ޖުޑީޝަލް ރީފޯމް ނުހުއްޓޭނެ ކަމަށާއި އަދި ނުވެސް ހުއްޓުވޭނެ ކަމަށް މަޝްހޫރު ޤާނޫނީ ވަކީލް އަދި ތުޅާދޫ ދާއިރާގެ މެންބަރު ހިސާން ހުސައިން ވިދާޅުވެއްޖެއެވެ.
ހިސާން މިހެން ވިދާޅުވެފައިވަނީ ފަނޑިޔާރު ޢަބްދުﷲ ދީދީ ސަސްޕެންޑް ކުރުމަށް ޖޭއެސްސީއިން ނިންމި ނިންމުމަކީ ގާނޫނާއި އެއްގޮތަށް ނިންމާފައިވާ ނިންމުމެއް ކަމަށް މަޖިލިސްގެ ޖުޑިޝަރީ ކޮމިޓީއިން ފާސްކޮށްފި ކަމަށާއި އަދި ކޮމިޓީ ރިޕޯޓް މަޖިލީހަށް ހުށަހަޅަން ފާސްކޮށްފައިވާ ކަމަށް ރާއްޖެއެމްވީ ޓްވިޓާގައި ކޮށްފައިވާ ޓްވީޓެއް ހިއްސާ ކުރައްވާ އެ ކަމަނާ ކުރެއްވި ޓްވީޓެއްގައެވެ.
Midhiya Riyaasee inthihaabugai aai Rayyithunge Majlis inthihaabugai rayyithun sarukaarasha majlis ah dhin mandate varra saafu. Judicial Reform nuhutteyne adhi nuves hutuveyne. Judicial reform ge masakai eh misraabehgai dhaanee kuriah. https://t.co/RUu97SD47f
— Hisaan 🎈؟ (@hisaanhussain) June 16, 2019
"މިދިޔަ ރިޔާސީ އިންތިޚާބުގައި އާއި ރައްޔިތުންގެ މަޖިލީހުގެ އިންތިޚާބުގައި ރައްޔިތުން ސަރުކާރަށާއި މަޖިލިސްއަށް ދިން މޭންޑޭޓް ވަރަށް ސާފު. ޖުޑީޝަލް ރީފޯމް ނުހުއްޓޭނެ، އަދި ނުވެސް ހުއްޓުވޭނެ. ޖުޑީޝަލް ރީފޯމްގެ މަސައްކަތް އެއް މިސްރާބެއްގައި ދަނީ ކުރިޔަށް." ހިސާން ވިދާޅުވިއެވެ.
މަޖިލީހުގެ ޖުޑީޝަރީ ކޮމެޓީގައި ހިމެނިވަޑައިގެންނެެވިނަމަވެސް، ޖޭއެސްސީ އާއި ގުޅޭ ބައްދަލުވުންތަކުގައި ހިސާން ބައިވެރިވެވަޑައެއްނުގަންނަވަ އެވެ. އެއީ މަސްލަހަތު ފުށުއެރުމެއް އައިސްދާނެތީވެއެވެ. އަދި އެފަދަ އެއްވެސް އަމަލެއް ނުކުރައްވާނެ ކަމަށް އެ ކަމަނާ ވަނީ ކުރިން ވެސް ވިދާޅުވެފައެވެ.
އާދިއްތަ ދުވަހުގެރޭ ބޭއްވި ޖުޑީޝަރީ ކޮމެޓީގެ ބައްދަލުވުމުގައި ނިންމާފައިވަނީ ސުޕްރީމް ކޯޓުގެ ފަނޑިޔާރު އަބްދުﷲ ދީދީ ސަސްޕެންޑްކުރުމަށް ޖޭއެސްސީ ނިންމި ނިންމުމަކީ ޤާނޫނު އަސާސީ އާއި، ޤާނޫނުތަކުން އެ ކޮމިޝަނަށްދީފައިވާ ބާރުތަކުގެތެރެއިން ނިންމި ނިންމުމެއް ކަމަށެވެ. އަދި އެ ކޮޮމެޓީގެ ރިޕޯޓް މަޖިލީހުގެ ތަޅުމަށް ހުށަހެޅުމަށް ވަނީ ފާސްކޮށްފައެވެ.