ވިޔާނުދާ ފަނޑިޔާރުން މަތަނުވެވިއްޖެނަމަ 19ވަނަ މަޖިލިސް ފެއިލްވީ ކަމަށް ހިތަދޫ ދެކުނު ދާއިރާގެ ކުރީގެ މަޖިލިސް މެމްބަރު އަލީ ނިޒާރު ވިދާޅުވެއްޖެއެވެ.
ނިޒާރު މިހެން ވިދާޅުވީ މިއަދު ކުރެއްވި ޓްވީޓެއްގައެވެ.
Viyaanudhaa fandiyaarun matha nuvevijje nama 19 vana Majlis fail vee. Judiciary islaahukuran Rayyithun beynun vikan rayyithun thiya majlis ah vote dheefa vaa gothun varah saafu.
— Ali Nizar (@DhekunuNizar) June 17, 2019
"ވިޔާނުދާ ފަނޑިޔާރުން މަތަނުވެވިއްޖެނަމަ 19ވަނަ މަޖިލިސް ފެއިލްވީ. ޖުޑިޝަރީ އިސްލާހުކުރަން ރައްޔިތުން ބޭނުންވިކަން ރައްޔިތުން ތިޔަ މަޖިލިސްއަށް ވޯޓުދީފަވާ ގޮތުން ވަރަށް ސާފު." ނިޒާރު ވިދާޅުވިއެވެ.
ނިޒާރު އާދީއްތަ ދުވަހު ކުރެއްވި ޓްވީޓެއްގައި ވެސް ވަނީ މިކަމަށް އަލިއަޅުއްވާލައްވާފައެވެ. އެގޮތުން ނިޒާރު ވިދާޅުވީ އާ ޤާނޫނު އަސާސީގެ ދަށުން ޖުޑިޝަރީއަކީ ޤާނޫނީ އަސާސީ އޮޅުނުކުރެވުނު ބުޅަލެއް ކަމަށެވެ. އޮޅު ނުވާނަމަ ވައްކަން ކުރާނެ ކަމަށެވެ. ހައްލަކީ ބުޅާ ގެއިން ނެރެލުން ކަމަށް ވެސް ނިޒާރު ވަނީ ވިދާޅުވެފައެވެ.
Aa QA ge dhashun ufedhunu Judiciary akee QA olhunukurevunu bulhalei. Olhunuvaanama vakkan kuraane. Hallakee bulhaa gein nerelun.
— Ali Nizar (@DhekunuNizar) June 16, 2019
ފަނޑިޔާރު ޢަބްދުﷲ ދީދީ ސަސްޕެންޑް ކުރުމަށް ޖޭއެސްސީއިން ނިންމި ނިންމުމަކީ ގާނޫނާއި އެއްގޮތަށް ނިންމާފައިވާ ނިންމުމެއް ކަމަށް މަޖިލިސްގެ ޖުޑިޝަރީ ކޮމިޓީއިން ވަނީ ފާސްކޮށްފައެވެ. އަދި ކޮމިޓީ ރިޕޯޓް މަޖިލީހަށް ހުށަހަޅަން ވެސް ވަނީ ފާސްކޮށްފައެވެ.
ފަނޑިޔާރު ދީދީ ސަސްޕެންޑްކުރަން ޖޭއެސްސީން ނިންމީ ފުލުހުން ބަލަމުންދާ ޖިނާއީ މައްސަލައަކާ ގުޅިގެން ކޮމިޝަނަށް ހުށަހެޅުނު ހުށަހެޅުމަކާ ގުޅިގެންނެވެ.