އައްޑޫގައި ގާއިމްކުރެވޭ ފުރަތަމަ ލޯފާމް ކަމަށްވާ އެކިއުޓަސް ލީގަލް ކޮންސަލްޓެންޓް (އޭއެލްސީ) ރޭ ހިތަދޫގައި ލޯންޗްކޮށްފި އެވެ.
މިކަމަށްޓަކައި ހިތަދޫ ޝަރަފުއްދީން ސްކޫލްގައި ބޭއްވި ރަސްމިއްޔާތެއްގައި އެ ލޯ ފާމް ލޯންޗްކޮށް ދެއްވީ މޭޔަރު އަބްދުﷲ ސޯދިގް (ސޯބެ) އެވެ.
އޭއެލްސީ ލޯފާމަކީ އައްޑޫގެ ރައްޔިތުންނަށް ގާނޫނީ އެހީތެރިކަން ލިބޭނެކަން ކަށަވަރުކޮށް ދިނުމަށްޓަކައި ހުޅުވިގެންދާ ލޯފާމެއްކަ މަށް އިކުއެޓާސް ލީގަލް ކޮންސަލްޓެންޓް ލޯ ފާމުން ބުންޏެވެ.
އަދި ގާނޫނީ ގޮތުން އާންމުން ހޭލުންތެރި ކުރަބް ސެމިނާތަކާއި ވޯކްޝޮޕް ފަދަ ހަރަކާތްތައް ކުރިއަށް ގެންދަން ވެސް އޭއެލްސީން ވަނީ ނިންމާފަ އެވެ.
މި ލޯ ފާމްގައި ހިމެނޭ ލޯޔަރުންގެ ތެރޭގައި ފައްޔާޒް އިސްމާއީލް، އިސްމާއީލް ޔާސިރް އަހުމަދު އަބްދުﷲ އަފީފް އަދި މުހައްމަދު ޝަފާޒް ވަޖީހް ފަދަ ބޭފުޅުން ހިމެނިވަޑައިގަންނަވަ އެވެ.
އެގޮތުން އަތްފޯރާ އަގެއްގައި ގާނޫނީ އެހީތެރިކަން ފޯރުކޮށްދީ އެ ދާއިރާ އިން ކޮންމެ އަހަރަކު އެލްއެލްބީ އިން ޑިގްރީ އަށް ކިޔެވުމަށް ދެ ސްކޮލަޝިޕް އައްޑޫގެ ދަރިވަރުންނަށް ހުޅުވާލުމަށް ވެސް އޭއެލްސީން ވަނީ ނިންމާފަ އެވެ.
އޭއެލްސީ އާ ބެހޭ އިތުރު މައުލޫމާތު alcmaldives.com/contactus މި ލިންކުން ލިބޭނެ އެވެ.