ސ. މަރަދޫ ކުދި އަދި މެދުފަންތީގެ ވިޔަފާރިތަކަށް ޚާއްސަކޮށްގެން ހަ ބިމެއް ކުއްޔަށް ދޫކުރަން އައްޑޫ ސިޓީ ކައުންސިލުން އިއުލާންކޮށްފި އެވެ.
ކައުންސިލުން މިކަމަށް ޝައުޤުވެރިވެ ވަޑައިގަންނަވާ ފަރާތްތަކުން ކުލީ ބިމަށް އެދޭ ފޯރމް ފުރުއްވުމަށް ފަހު ޖުލައި މަހުގެ 7 ވާ އާދީއްތަ ދުވަހުގެ 2:00 ގެ ކުރިން ކައުންސިލް އިދާރާއަށް ޕްރޮޕޯސަލް ހުށަހަޅަން ޖެހޭ ކަމަށެވެ.
ކުލީ ބިމަށް އެދޭ ފަރާތްތަކުން ފުރަން ޖެހޭ ފޯމާއި މައުލޫމާތު ޝީޓް ބުރާސްފަތި ދުވަހުން ފެށިގެން 27 ޖޫން 2013 ވާ ބުރާސްފަތި ދުވަހުގެ 14.00 އާއި ހަމައަށް ޑިޕާޓްމަންޓް އޮފް ސޯޝަލް ސަވިސް (ކުރީގެ މަރަދޫ އޮފީސް) އިން ލިބެން ހުންނާނެ އެވެ.
ކުލީ ބިމަށް އެދޭ ފޯމާއި އަދި މަޢުލޫމާތު ޝީޓްގެ އަގަކީ -/150 ރުފިޔާ އެވެ. ޕްރޮޕޯސަލް ބަލައިގަތުން ކަނޑައެޅިފައިވާ ގަޑީގެ ފަހުން ނޯންނާނެ ކަމަށް ކައުންސިލުން ބުންޏެވެ.