ކ. މާފުށްޓަށް ދަތުރުގޮސް އުޅެނިކޮށް ހަތަރު އަހަރުގެ ކުއްޖަކު ގެނބިގެން މަރުވެއްޖެއެވެ.
ފުލުހުން ބުނެފައިވަނީ ކުއްޖަކު ގެނބިގެން އުޅޭ ކަމުގެ މައުލޫމާތު ލިބިގެން އެ ސަރަހައްދަށް ދިޔައިރު އެ ކުއްޖާ ވަނީ މާފުށި ސިއްހީ މަރުކަޒަށް ގެންގޮސްފައި ކަމަށެވެ. އަދި ސިއްހީ މަރުކަޒަށް ގެންދިޔައިރު ވެސް އެ ކުއްޖާގެ ހަރަކާތެއް ނެތް ކަމަށާއި އެ ކުއްޖާ މަރުވެފައިވާކަން ޑޮކްޓަރުންނާއި މިހާރު ކަށަވަރުކޮށްދީފައިވާ ކަމަށް ފުލުހުން ބުނެއެވެ.
މި މައްސަލަ ފުލުހުންނަށް ރިޕޯޓުކޮށްފައިވަނީ މިއަދު މެންދުރު 14:56 ހާއިރުއެވެ.
ފުލުހުން ހާމަކޮށްފައިވާ ގޮތުގައި އެ ކުއްޖާ ދަތުރުގޮސްފައިވަނީ އާއިލާއާ އެކުގައެވެ. އަދި އެއާއިލާ އިން ތިބީ މާފުށި މޫދު ސަރަހައްދު ގެސްޓު ހައުސްއެއްގައި ކަމަށް މައުލޫމާތު ލިބިފައިވެއެވެ.