އައްޑޫ ސިޓީ ކައުންސިލްގެ ގުރުއާން މުބާރާތް ފަށައިފިއެވެ.
އައްޑޫގެ ސްކޫލްތަކަށް އަމާޒުކޮށްގެން ކުރިއަށްގެންދާ މި މުބާރާތުގައި އައްޑޫގެ 15 ސްކޫލަކުން 279 ދަރިވަރުން ވަނީ ބައިވެރިވެފައެވެ. މި މުބާރާތް ކުރިއަށް ގެންދިޔުމަށް ހަމަ ޖެހިފައިވަނީ 3 ދަންފަޅިއަށް ބަހާލައިގެންނެވެ.
ޖުމްލަ 6 އުމުރުފުރާއަކުން ބައިވެރިވެފައިވާ މިމުބާރާތް ކުރިއަށްގެންދަނީ ޝަރަފުއްދީން ސްކޫލް ހޯލުގައެވެ.
އައްޑޫ ސިޓީ ކައުންސިލުން ބުނީ މުބާރާތް މިއަދުން ފެށިގެން މި މަހުގެ 11 ވަނަ ދުވަހާއި ހަމައަށް ކުރިއަށްގެންދާނެ ކަމަށެވެ.
މުބާރާތުގެ އިނާމް ދިނުން އޮންނާނީ މިމަހުގެ 13 ވަނަ ދުވަހުކަމަށްވެސް އައްޑޫ ކައުންސިލުން ބުންޏެވެ.