ރާއްޖެއިން އެމެރިކާއަށް އަލަށް ކަނޑައެޅި ސަފީރު، ތިލްމީޒާ ހުސައިން އޭނާގެ ސަފީރުކަމުގެ ފަތްކޮޅު އެމެރިކާގެ ރައީސް ޑޮނާލްޑް ޓްރަމްޕަށް އަރުވައިފި އެވެ.
ފަތްކޮޅު އެރުވުމުގެ ރަސްމިއްޔާތު ކުރިއަށް ދިޔައީ އިއްޔެ ވައިޓް ހައުސްގަ އެވެ.
ޓްރަމްޕަށް ސަފީރުކަމުގެ ފަތްކޮޅު އެރުވުމަށްފަހު ތިލްމީޒާ ކުރެއްވި ޓުވީޓެއްގައި، އެމެރިކާއިން ރާއްޖޭގެ ޑިމޮކްރަސީ ހަރުދަނާކުރުމަށާއި ދެ ގައުމުގެ ގުޅުން ބަދަހިކުރުމަށް ދެމުންގެންދާ އެއްބާރުލުމަށް ޝުކުރު އަދާކުރެއްވި އެވެ.
It is an honour to represent Prez @ibusolih’s govt as I presented my Credentials to Prez Trump @realDonaldTrump at the White House.
I thank the US for the support given in strengthening our democracy and reaffirming the close ties in the recent months @WhiteHouse @MDVForeign pic.twitter.com/jWtasR0iCh— Thilmeeza Hussain ?❓ (@Thilmeeza) July 8, 2019
https://platform.twitter.com/widgets.js
ރާއްޖެއިން އެމެރިކާއަށް ކަނޑައަޅުއްވާފައިވާ ފުރަތަމަ އަންހެން ސަފީރުގެ އިތުރުން، ތިލްމީޒާ އަކީ ރާއްޖެއިން ޔޫއެން އަށް ކަނޑައަޅުއްވާފައިވާ ދާއިމީ މަންދޫބެވެ.
ސަފީރު ކަމަށް އައްޔަންކުރުމުގެ ކުރިން ތިލްމީޒާ ހުންނެވީ، ނިއު ޖާޒީގެ ރަމަޕޯ ކޮލެޖްގެ އެޑްޖަންކްޓް ޕްރޮފެސަރ އޮފް ސަސްޓެއިނެބިލިޓީގެ މަގާމުގައާއި، ޔުނައިޓެޑް ސްޓޭޓްސް ކްލައިމެޓް އެކްޝަން ނެޓްވޯކްގެ ސޯޝަލީ އެންޑް އިކޮނޮމިކަލީ ޖަސްޓް އެޑެޕްޓޭޝަން އެންޑް މިޓިގޭޝަން ޓީމްގެ ކޯ-ޗެއާރ ގެ މަގާމުގަ އެވެ.
ތިލްމީޒާ މީގެ ކުރިން ވަނީ، ޕާމަނަންޓް މިޝަން އޮފް ދަ ރިޕަބްލިކް އޮފް މޯލްޑިވްސް ޓު ދަ ޔުނައިޓެޑް ނޭޝަންސްގެ ޑެޕިޔުޓީ ޕާމެނެންޓް ރެޕްރެޒެންޓޭޓިވް ކަމާއި، އެމެރިކާއާއި ކެނެޑާއަށް ކަނޑައަޅާފައި ހުންނަވާ ނޮން-ރެޒިޑެންޓް ޑެޕިޔުޓީ އެމްބެސެޑަރު ގެ މަގާމު ވެސް އަދާ ކުރައްވާފައެވެ.
ތިލްމީޒާއަކީ އެމެރިކާގެ ކޮލޮރާޑޯ ޓެކްނިކަލް ޔުނިވާސިޓީއިން މާސްޓާ އޮފް ސައިންސް އިން ބިޒްނަސް މެނޭޖްމަންޓް ހާސިލްކުރައްވާފައިވާ ބޭފުޅެކެވެ.