ސ. ހިތަދު އަށް ނިސްބަތްވާ ޖަމިއްޔާއެއް ކަމަށް ވާ ފުޑް ސޭފްޓީ މޯލްޑިވްސް އިންް އިންތިޒާމުކޮށްގެން މި މަހު 22 ވަނަ ދުވަހު ހޮނިހިރު ފުވައްމުލަކު ތުނޑި ސާފު ކުރުމުގެ ޕްރޮގްރާމެއް ހަމަޖަައްސައިފި އެވެ.
ފުޑް ސެފްޓީ މޯލްޑިވްސްގެ ސީއީއޯ ރޯޒީ ޝަރީފް ބުނީ ތުނޑި ސާފު ކުރުމުގެ މި ޕްރޮގްރާމަކީ އެ ޖަމިއްޔާ އަށް ނިސްބަތްވާ ދަރިވަރުން އިސް ނަގައިގެން ރޯދަ މަހާ ދިމާކޮށް އައްޑު އާއި ފޯއްމުލަކުގެ އެކުވެރިކަން އާލާ ކުރުމަށް ބާއްވާ ޕްރޮގްރާމެކެވެ.
ޖުމްލަ 72 ކުދިންގެ ޓީމެއް ހިމެނޭ މި ގުރޫޕް ތުނޑި ސާފު ކުރުމަށް ހަމަޖެހިފައި ވަނީ 22 ވަނަ ދުވަހު އެވެ.
ފުވައްމުލަކު އަތޮޅު ކައުންސިލް އިދާރާ އާއި ފެނަކަ ކޯޕަރޭޝަންގެ ފަރާތުން މި ކުދިންގެ މަސައްކަތަށް އެއްބާރުލުމާއި އެހީތެރިކަން ފޯރުކޮށް ދިނުމަށް ވެސް ވަނީ ހަމަޖެހިފަ އެވެ.
ފުޑް ސެފްޓީ މޯލްޑިވްސް ގެ ފަރާތުން މި އަހަރު ކުރިކޮޅު ވަނީ ރައްކާތެރި ގޮތުގައި ކާނާ ބޭނުން ކުރުމުގެ މުހިއްމުކަން އަންގައިދޭ ވޯކްޝޮޕެއް ވެސް ފުވައްމުލަކުގެ އަންހެންްގެ ޖަމްއިޔާ އާ ގުޅިގެން ބާއްވާފަ އެވެ.
އަދި މިހާރު ވެސް ފުޑް ސެފްޓީ މޯލްޑިވްސް އިން ދަނީ އިނގިރޭސި ބަސް ދަސްކޮށްދޭ ކްލާހެއް ވެސް އެ ރަށުގައި ހިންގަމުންނެވެ.