އާއަހަރާއި ދިމާކޮށް އައްޑޫގައި ފުލުހުން ކުރިއަށް ގެންދިއަ ހާއްސަ އޮޕަރޭޝަނެއްގައި އެމްއެންޑިއެފްގެ ޔުނީފޯމްގައި ހަރަކާތްތެރިވަމުންދިޔަ ތިން ކުއްޖަކު ހައްޔަރުކޮށްފިއެވެ.
ފުލުހުންނަށް ލިބުނު މަޢުލޫމާތަކާއި ގުޅިގެން ފުލުހުންގެ ބެލުމުގެ ދަށަށް ގެނައީ 18 އަހަރުން ދަށުގެ 3 ކުދިންނެވެ. ހުޅުދޫ ގެއެއްގައި ތިއްބައި މި ކުދިން ފުލުހުންގެ ބެލުމުގެ ދަށަށް ގެނެސް އެގެ ބަލައިފާސްކުރިއިރު އެގޭތެރެއިން ވަނީ އެމް އެންޑީ.އެފް 2 ޔުނީފޯމްގެ އިތުރުން ކެޑޭޓް ޔުނީފޯމެއް ފެނިފައިވެއެވެ.
ފުލުހުން ކުރިއަށް ގެންދިޔަ މި އޮޕަރޭޝަނުގައި އައު އަހަރާއި ދިމާކޮށް އައްޑޫގައި ކުރިއަށް ގެންދިޔަ ރަސްމީ ހަރަކާތުގެ ތެރެއިން ބަޑީ ބޭހުގެ ކުޅިވަރުތައް ސ. ހިތަދޫ ކޮންވެންޝަން ސެންޓަރުގައި ކުރިއަށް ގެންގޮސްފައިވާއިރު އެސަރަހައްދުގެ އަމަން ބެލެހެއްޓުމަށްޓަކައި ފުލުހުންވަނީ ހަރަކާތްތެރިވެފައެވެ.
އަދި މަރަދޫ ފޭދޫއާއި ފޭދޫ ހިމެނޭ ސަރަހައްދުގައި ހިމެނޭ 3 ފަޅުރަށެއްގައި ބަނގުރާ ގެންގުޅެ ބަނގުރާ ކައްކަން ބޭނުންކުރާ އާލާތްތަކާއި މާރާމާރީ ހިންގުމަށްޓަކައި ގްރޫޕްތައް ހަރަކާތްތެރިވަމުންދާކަމަށް ފުލުހުން ލިބުނު މަޢުލޫމާތަކާއި ގުޅިގެން ކޯޓު އަމުރެއްގެ ދަށުން ފުލުހުން ވަނީ އެ ރަށްތައް ބަލައިފާސްކޮށްފައިވާއިރު ގަން ޕޮލިސް ސްޓޭޝަން ހިމެނޭ ސަރަހައްދުގައި ހިމެނޭ 3 ފަޅު ރަށުގެއްވެސް ފުލުހުން ވަނީ ބަލައިފާސްކޮށްފައެވެ. އަދި ބަނގުރާ ގެންގުޅެމުންދާކަމަށް ފުލުހުންނަށް ލިބުނު މަޢުލޫމާތުތަކަކާއި ގުޅިގެން އައްޑޫ ސިޓީގެ ބައެއް ގޭގެވެސް ބަލައިފާސްކޮށްފައިވެއެވެ.
މި އޮޕަރޭޝަންގައި މަރަދޫއާއި ފޭދޫ އަދި ގަން ކޯޒްވޭ ގުޅުނު ހިސާބުގައި ވިސީޕީ ޖަހައި އެސަރަހައްދުން ދަތުރުކުރި ހުރިހާ އުޅަނދެއް ފުލުހުންވަނީ ބަލައިފާސްކޮށް އެއްގަމު ދަތުރުފަތުރު ޤާނޫނާއި ޚިލާފްވާ ފަރާތްތަކާއި މެދު ފިޔަވަޅު އަޅާފައިވެއެވެ.
މި އޮޕަރޭޝަނުގައި ރަށުތެރެ ޕެޓްރޯލްކޮށް ބެލެހެއްޓުމާއި ގުރޫޕް ހަދައިގެން އުޅޭ މީހުންނާއިި އެއްވެސް ބޭނުމެއްނެތި ދަންވަރު ބޭރުގައި އުޅުނު ފަރާތްތަކާއި ސުވާލުކޮށް ހަދާފައިވާއިރު، މަސްތުވާތަކެއްޗާއި މާރާމާރީ ފަދަ ކުށްތަކަށް ޙާއްސަ އިސްކަމެއް ދީގެން ފުލުހުން މަސައްކަތްކޮށްފައިވެއެވެ.
އެގޮތުން ކުރަމުންދިޔަ މަސައްކަތުން ގިނަ އަދަދެއްގެ ބަނގުރާކަމަށް ޝައްކުކުރެވޭ އެއްޗެއް އަޅާފައި ހުރި ހަންތަކަކާއި ބަނގުރާ ކައްކަން ބޭނުން ކުރާ ގިނަ ޢަދަދެއްގެ ސާމާނުތަކެއް ވަނީ ހޯދާފައެވެ. މީގެއިތުރުން މާރާމާރީ ހިންގުމަށް ބޭނުން ކުރާ ސަމާނު ތަކެއްވެސް ފުލުހުން ވަނީ ހޯދާފައެވެ.
މި އޮޕަރޭޝަނުގައި މިހާތަނަށް 19 މީހަކު ފުލުހުންގެ ބެލުމުގެ ދަށަށް ގެނެސްފައިވާއިރު މިމީހުންގެ ތެރެއިން 13 މީހަކު ފުލުހުންގެ ބެލުމުގެ ދަށަށް ގެނެސްފައިވަނީ ހިތަދޫއިން ތަފާތު ކުށްތަކުގެ ތުހުމަތުގައެވެ.
އަދި ފުލުހުންގެ ބެލުމުގެ ދަށަށް ގެނެސްފައިވާ މީހުންތެރެއިން އެކަކީ މި ޑިސެމްބަރު މަހުގެ 1 ވަނަ ދުވަހު 12:30 ހާއިރު ހިތަދޫ ޕޮލިސް ސްޓޭޝަނަށް ގާއުކުމާއި ގުޅިގެން ކޯޓު އަމުރެއްގެ ދަށުން ފުލުހުންގެ ބެލުމުގެ ދަށަށް ގެނެސްގައިވާ މީހެކެވެ