ހެރަތެރަ އައިލެންޑް ރިސޯޓްގެ ހެޑްލީސް އެގްރިމެންޓް މަޝްހޫރު ވިޔަފާރިވެރިޔާ ޗަމްޕާ ހުސައިން އަފީފު ހިއްސާވާ ޓްރީ ޓޮޕް އިންވެސްޓްމަންޓްސް ޕްރައިވެޓް ލިމިޓެޑަށް ބަދަލު ކުރުމުގެ ހުއްދަ އަށް މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) އިން ޓޫރިޒަމް މިނިސްޓްރީގައި އެދިއްޖެ އެވެ.
ޓޫރިޒަމް މިނިސްޓްރީން ނެރެފައިވާ އިއުލާނެއްގައި ބުނަނީ 546 އެނދުގެ ހެރަތެރަ ރިސޯޓު ހިންގުމަށް ކުއްޔަށް ހިފާފައިވާ ފަރާތުން އެ ރަށް ކުއްޔަށް ދިނުމަށް ކޮށްފައިވާ އެގްރިމެންޓްގެ ދަށުން އެމްޓީޑީސީ އަށް ލިބިފައިވާ އެންމެހާ ހައްޤުތައް އެހެން ފަރާތަކަށް ބަދަލު ކުރުމުގެ ހުއްދައަކަށް އެދި އެކުންފުނިން ހުށަހަޅާފައިވާ ކަމަށެވެ.
އެހެންކަމުން އެރަށުގެ ލީސް އެގްރިމެޓް އެހެން ފަރާތަކަށް ބަދަލު ކުރުމުގެ ކުރިން އެއްވެސް ފަރާތެއްގެ ދަރަންޏެއް ނުވަތަ މައްސަލައެއްވާ ނަމަ އަންނަ މަހުގެ 4 ވަނަ ދުވަހުގެ 15:00 ގެ ކުރިން މިނިސްޓްރީ އަށް ލިޔުމަކުން ހުށަހެޅުމަށް ވެސް ޓޫރިޒަމް މިނިސްޓްރީގެ އިއުލާނުގައި ވަނީ ބުނެފަ އެވެ.
ޗަމްޕާ ހުސައިން އަފީފުގެ ޓްރީ ޓޮޕް އިންވެސްޓްމަންޓްސްޓަށް ހެރަތެރަ ރިސޯޓް ވިއްކާލުމަށް އެމްޓީޑީސީގެ ޑިރެކްޓަރުންގެ ބޯޑުން ނިންމާފައިވަނީ 30 މިލިއަން ޑޮލަރަށެވެ.