ފްލައިމީ އައްޑޫ ފުޓްސަލް ޗެލެންޖްގައި ރޭ ގްރޫޕް ބީ ގައި ހިތަދޫ ޔަޝީ އަދި މަލްޓި ޖީނިއަސް ބައްދަލު ކުރި މެޗް 1-5 ލަނޑުން ކާމިޔާބް ކުރި އިރު އެ ގްރޫޕްގެ ދެވަނަ މެޗް 5-0 ލަނޑުން ޔަންގް މެޖެންޓާ ކާމިޔާްބ ކޮށްފިއެވެ.
ފޭދޫ ބޯޅަ ދަނޑުގައި ކުރިއަށްދާ ފޯރިގަދަ މުބާރާތުގެ ރޭގެ ފުރަތަމަ މެޗްގައި ގްރޫޕްގެ އެއްވަނާގައި އޮތް މަލްޓީ ޖީނިއަސްގެ ލަނޑުތައް އެޓީމަށް ކާމިޔާބް ކޮށްދިނީ އަހްމަދު ސައީދު (އައްމަޓީ) އާއި ޒިމާމް ޒާހިރު އާއި މުހައްމަދު އަހުމަދުގެ އިތުރުން އިބްރާހިމް އިޒްދިހާރުއެވެ. އައްމަޓީ ވަނީ ދެ ލަނޑު ޖަހައި ރޭގެ މެޗްގެ ވެސް މޯލު ކުޅުންތެރިއާ ހޯދާފައެވެ.
ޔަޝީގެ ހަމައެކަނި ލަނޑު އެޓީމަށް ޖަހައިދިނީ އަހުމަދު މާޒިމް އެވެ.
ގްރޫޕްބީގެ ދެވަނަ މެޗްގައި ފޭދޫ ހޫރު ޝަހަރު އަދި ޔަންގް މެޖެންޓާ ކުޅުނު ފޯރިގަދަ މެޗް ޔަންގް މެޖެންޓާއިން ކާމިޔާބް ކުރީ 5-0 ލަނޑުންނެވެ. ޔަންގް މެޖެންޓާއަށް ލަނޑު ޖަހާ ދީފައިވަނީ އަހުމަދު ހާފިޒް އާއި މުހައްމަދު ފަޒީލްގެ އިތުރުން އިބްރާހިމް ނިޒާރު އާއި ހުސެއިން ނިޒާމްއެވެ. ފަޒީލް ވަނީ 2 ލަނޑު ޖަހައި މެޗްގެ މޮޅު ކުޅުންތެރިއާ ހޯދާފައެވެ.
ގްރޫޮޕް ބީގެ ކޮންމެ ޓީމެއް ވެސް ދެ މެޗް ކުޅެފައިވާ އިރު ގްރޫޕްގެ އެއްވަނާގައި 6 ޕޮއިންޓާއި އެކު އޮތީ މަލްޓީ ޖީނިއަސްއެވެ. 4 ޕޮއިންޓާއިު އެކު ޔަންގް މެޖެންޓާ 2 ވަނާގައި އޮތް އިރު 1 ޕޮއިންޓް ލިބިގެން ގްރޫޕްގެ ތިންވަނާގައި އޮތީ ޔަޝީއެވެ. ހޫރު ޝަހަރަށް އަދި ޕޮއިންޓެއް ލިބިފައި ނުވެއެވެ.