ދުނިޔެ ހޫނުވަމުންގޮސް، މީހުންނާއި ޖަނަވާރުތައް މިވަނީ މަރުވާން ފަށާފައެވެ. ބައެއް ގައުމުތަކުގެ މީހުން ހޫނު މޫސުމުގައި ގަދަ ހޫނުން ސަލާމަތްވުމަށް ސްވިން ޕޫލާއި ފެން ބިލިގާތަކުގައި ވަގުތު ހޭދަ ކުރާ އިރު ބައެއް މީހުން މުޅި ދުވަސް ހޭދަކުރަނީ އެއާކޯން ކޮޓަރީގައެއެވެ. ބޭރަށް ނުކިމު ހަމަޖެހިލައިގެން އެފަދަ މީހުންނަށް އުޅެން މިވަނީ ދަތިވެފައެެވެ.
މި ކަމަށް މަޝްހޫރު ޓެކް ކުންފުނި ސޮނީން މިވަނީ ހައްލެއް ގެނެސްދީފައެވެ. ރިއަން ޕޮކެޓް ނަމަކައް ކިޔާ ކުޑަކުޑަ ހިފާ ގެންގުޅޭ ސައިޒުގެ ޑިވައިސްއަކީ ސޮނީއިން މިކަމަށް ގެނެސްދިން ހައްލެވެ. ކްރައުޑްފަންޑިންގ އަށް މިހާރު ހުޅުވާލާފައިވާ، ރިއަން ޕޮކެޓް ނަމަކަށްކިޔާ މިޑިވައިސްއަށް ޚާއްސަ ހެދުމަކާއި އެއްކޮށް ޑިވައިސް ލިބޭއިރު، މި ޑިވައިސް ފަރުމާކޮށްފައިވަނީ އެތެރެއިންނާއި ބޭރުންވެސް ލެވޭގޮތަށެވެ. ޕެލްޓިއަރ އެލެމެންޓެއް ބޭނުންކޮށްގެން ފިނި އަދި ހޫނުކޮށްލެވޭ މިޑިވައިސް އަށް ލައްވާފައި ހުންނާނީ ކުޑަ ލިތިއަމް އަޔޮން ބެޓެރީއެކެވެ. އޭގެ ޒަރީއާއިން 2 ގަޑިއިރު ޑިވައިސް ޗަރޖުކޮށްގެން މުޅި ދުވަހު ޑިވައިސް ބޭނުންކޮށްލެވޭނެއެވެ.
ސްމާރޓް ފޯނު މެދުވެރިކޮށް ޑިވައިސްގެ ފިނިހޫނުމިން ބަދަލުކޮށްލެވޭ ގޮތައްހުންނަ މިޑިވައިސް މަސައްކަތްކުރަނީ ހަމައެކަނި ހޫނު ދުވަސްތަކުގައެއްނޫނެވެ. ފިނި ދުވަސްތަކުގައި ހޫނުކޮށްލަންވެސް ބޭނުންކުރެވޭ މިޑިވައިސް ފުރަތަ ލިބެން ހުންނާނީ ހަމައެކަނި ޖަޕާނުގައެވެ. އަދި ކުންފުނިން ބޭނުންވާ އަދަދަށް ޑިވައިސް ނުވިކޭނަމަ، މީގެ އިތުރު ޑިވައިސްތައް ބާޒާރަށް ނުނެރޭނެކަމަށް އެކުންފުނިން ބުނެއެވެ.
ސްމޯލް، މީޑިއަމް، އަދި ލާރޖު ސައިޒުން ލިބޭ ރިއަން ޕޮކެޓެއްގެ އަގު އުޅެނީ 1 ޑިވައިސް އާއި 1 ހެދުމާއެއްކޮށް 14،080 ޔެން (2003.94 ރުފިޔާ) އަށެވެ. އަދި 1 މެޝިނާއި 5 ހެދުމަށް 19،030 ޔެން (2708.45 ރުފިޔާ)އަށެވެ. އަދި ފުރަތަމަ ނެރޭ ޓީޝާޓުތައް ހުންނާނީ ފިރިހެނުންގެ ސައިޒުންނެވެ.