އެމްޑީޕީގެ އަށް ވަަނަ އަހަރީ ދުވަސް ފާހަގަ ކުރަން "އެއްބުރުން ކުލަގަދަ ޕެރޭޑް" ނަމުގައި ވަރަށް ކުލަގަދަ އުފާވެރި ޕެރޭޑެއް ބުދަ ދުވަހުގެ ރޭ މާލޭގައި ބާއްވަން ނިންމައިފި އެވެ.
އެ ޕާޓީން ބުނީ އަހަރީ ދުވަހުގެ ރޭ 9:00 ޖަހާ އިރު އުސް ފަސްގަނޑުން އަދި ރަށްރަށުގެ ހަރުގެތަކުން ފެށޭ އުފާވެރި އަދި ކުލަގަދަ ޕެރޭޑްގައި އެމްޑީޕީގެ މެމްބަރުންނާއި ހެޔޮ އެދިވަޑައިގަންނަވާ ވީހާ ގިނަ ފަރާތްތަކުން ބައިވެރިވުމަކީ އެދޭ ކަމެއް ކަމަށެވެ.
އެމްޑީޕީއަކީ ރާއްޖޭގައި ހުރި ސިޔާސީ ޕާޓީތަކުގެ ތެރެއިން މެމްބަރުން އެންމެ ގިނަ ޕާޓީ އެވެ. އަދި ސެޕްޓެމްބަރު 7 ގައި ބާއްވާ ރިޔާސީ އިންތިހާބަށް ވެސް އެ ޕާޓީ އަންނަނީ ވަރަށް ފޯރިއާ އެކު ކެމްޕޭން ކުރަމުންނެވެ.