އައިފޯން 5 ނެރުނުތާ މާ ގިނަ ދުވަސްތަކެއް ނުވަނީސް މުޅިން އާ އައިފޯނެއް ނެރެން އެޕަލް އިން ތައްޔާރު ވަމުން ދާކަމަށް އައިއޯއެސް ޑިވެލޮޕަރުން ވަނީ ބުނެފައެވެ. ލީކު ވެފައިވާ އައިފޯން ހައުސިން އެއްގެ ފޮޓޯގެ އިތުރަށް މުޅިން އާ އަދި ތަފާތު ވާޝަނެއްގެ އައިއޯއެސް އަކުން އެޕްލިކޭޝަން ތައް ޑައުންލޯޑް ކޮށް ޓެސްޓް ކުރަމުންދާ ކަމަށް ޑިވެލޮޕަރުން ބުނެ އެވެ.
ނަމަވެސް އެމީހުންނަށް ވެސް ވަނީ މި ފޯނުގެ އާ ފީޗާސް ތައް ނުހޯދިފަ އެވެ. އައިފޯން '6،1 ގެ ނަމުގައި ޓެސްޓް ކުރަމުން ދާ މި ޑިވައިސް އަކީ އައިފޯން 6 ކަމަށް ވެސް ބައެއް ފަރާތް ތަކުން ދަނީ ބުނަމުން އެވެ.
މި އަހަރުގެ މެދު ތެރޭގައި ނެރުމަށް ހަމަޖެހިފައިވާ މި ފޯނާއި އެކު މިހާރު ހުރި ސްކްރީނަށް ވުރެ ވަރުގަދަ ސްކްރީނަކާއި އެކު އައިޕެޑް މިނީގެ ސެކަންޑް ޖެނެރޭޝަން ވެސް ނެރޭނެ ކަމަށް ހަބަރުތައް ބުނެ އެވެ. މިއީ ސްޓީވް ޖޮބްސް މަރުވިފަހުން އެ ކުންފުނިން ނެރޭ 2 ވަނަ އައިފޯންއެވެ.