"ފްލައި މީ އައްޑޫ ފުޓްސަލް ޗެލެންޖް 2013" ގެ ގްރޫޕް އޭގެ ގޯދިއްޔާ އަދި ގަން އިންޓަނޭޝަނަލް އެއާޕޯޓް ބައްދަލު ކުރި މެޗް 4-0 ލަނޑުން ގޯދިއްޔާ ކާމިޔާބް މުބާރާތުގެ ފުރަތަމަ ސެމީ ކަށަވަރު ކުރި ޓީމަށް ހޮވިއްޖެ އެވެ.
މެޗްގައި ގޯދިއްޔާއަށް ލަނޑު ޖަހައި ދިނީ ހަސަން ނަސީރު އާއި ހަސަން ޝިއުސް އެވެ. ހަސަން ނަސީރު ވަނީ ތިން ލަނޑު ޖަހައި މެޗްގެ މޮޅު ކުޅުންތެރިއާ ހޯދާފަ އެވެ.
ގްރޫޕް އޭ ގައި ދި ފޭދޫ ސްޕޯޓްސް އާއި މަރަދޫ އެސްއެމްޓީ ބައްދަލު ކުރި މެޗް 7-2 ލަނޑުން ކާމިޔާބް ކުރީ ދި ފޭދޫ ސްޕޯޓްސް އެވެ.
ދި ފޭދޫ ސްޕޯޓްސް އަށް ލަނޑު ޖަހާ ދީފައިވަނީ ހުސެއިން ހައްސާން ލަބީބް، އިބްރާހިމް މުހައްމަދު، އިބްރާހިމް މުހައްމަދު ދީދީގެ އިތުރުން ހަސަން ހާޒިޤް އެވެ. އިބްރާހިމް މުހައްމަދު ވަނީ 3 ލަނޑު ޖަހައި މެޗްގެ މޮޅު ކުޅުންތެރިއާ ހޯދާފަ އެވެ.
ގްރޫޕް ބީ ފަހު މެޗްތައް ކުޅުމަށް މިރޭ ނިކުންނާނެއެވެ. އެގޮތުން ފުރަތަމަ މެޗްގައި މަލްޓީ ޖީނިއަސް ސިޓީ ނިކުންނާނީ ޔަންގް މެޖެންޓާއާއި ދެކޮޅަށެވެ. ފަހު މެޗްގައި ޔަޝީ ބައްދަލު ކުރާނީ ހޫރު ޝަހަރާ އެވެ.