ސަރުކާރުގެ ނުވަތަ ރައީސުލް ޖުމުހޫރިއްޔާ އައްޔަން ކުރައްވާފައިވާ މެމްބަރެއް މިމަޖިލީހުގައި ނެތް ކަމަށާއި މަޖިލީހުގައި ތިބީ ގާނޫނު ހަދާ މެމްބަރުން ކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައިވަނީ މިއަދު ބޭއްވި ޖަލްސާގެ ތެރެއިންނެވެ. ސަރުކާރުން މަޖިލީހަށް ބިލެއް ހުށައަޅާނެ ހަގީގީ އުސޫލެއް ގާނޫނު އަސާސީގައި ނެތް ކަމަށާއި ރައީސުލް ޖުމުހޫރިއްޔާ އައްޔަން ކުރާ އަށް މެމްބަރުން މިއަދު މަޖިލީހުގައި ނެތް ކަމަށް ނަޝީދު ވިދާޅުވިއެވެ.
މީގެ އިތުރުން، ސަރުކާރުން ހުށައަޅާ ބިލަކަށް ތަނަވަސްކަން ގެނައުމާއި ފުރިހަމަ ކުރުމަކީ ރައްޔިތުންގެ މަޖިލީހުގެ މަސްއޫލިއްޔަތެއް ކަމަށާއި އެކަން މަޖިލީހުން ކުރަމުން ގެންދާނެ ކަމަށް ވެސް ނަޝީދު ވިދާޅުވެފައިވެއެވެ.
ރައީސް ސޯލިހާއި މަޖިލީހުގެ ރައީސް ނަޝީދާ ދެމެދު ސިއްރު ހަމަލާ ބަދަލުކުރުންތަކެއް އުފެދިފައިވާ ކަމަށް އަޑުފެތުރިފައިވަނީ، ސަރުކާރުގެ ކޮންޓްރޯލް މަޖިލިސް ތެރެއިން އެމަނިކުފާނު ރިޔާސަތު ބަލަހައްޓަވާ "ސުޕަ ކޮމިޓީ" އެއް އުފައްދަވަން ނަޝީދު މަސައްކަތް ކުރެއްވުމާ ގުޅިގެންނެވެ.
ނަމަވެސް އެމްޑީޕީގެ ޕާލަމެންޓްރީ ގްރޫޕަށް ހުށައެޅި މި ޚިޔާލު ޕީޖީ ގްރޫޕުގެ އަޣުލަބިއްޔަތުން ވަނީ ފާސްނުކުރުމަށް ނިންމާފައެވެ. އެމްޑީޕީ ޕީޖީގެ ގިނަ މެމްބަރުން ތިއްބެވީ ރައީސް ސޯލިހްގެ ފަހަތްޕުޅުގައި ކަމަށް ޚަބަރު ލިބެއެވެ.