މޯލްޑިވްސް ޕޮލިސް ސާވިސްގެ އިދާރީ ވަޒީފާ އަށް 75 އާންމު މުވައްޒަފުން ހޯދުމަށް އިއުލާންކޮށްފި އެވެ.
މުވައްޒަފުން ހޯދަން އިއުލާންކޮށްފައިވާ ވަޒީފާތަކުގެ ތެރޭގައި ހިމެނޭ ސިވިލް އެސިސްޓެންޓްގެ މަޤާމުގެ ޝަރުތުތަކުގެ ތެރޭގައި މީލާދީ ގޮތުން 18 އަހަރު ވުމާއެކު މަޤާމުގެ މަސައްކަތް ކުރުމުގެ ހުނަރާއި ޤާބިލުކަން ސާބިތުކޮށް ދިނުމާ އެކު، ޖީސީއީ އޯލެވެލް އިމްތިހާނުން ދެ މާއްދާއިން ދަށްވެގެން "ސީ" ފާސް ލިބިފައިވުމާ އެކު އެސްއެސްސީ އިމްތިހާނުން ދިވެހި އިސްލާމުން "ސީ" ފާސް ލިބިފައިވުން ހިމެނެ އެވެ.
މީގެ އިތުރުން އިސްލާމް ދީނުގައި ހައްދެއް ކަނޑައެޅިފައިވާ ކުށެއް ކުރިކަން ނުވަތަ ވައްކަން، ޓެކުން، މަކަރާއި ޙީލަތް، މަސްތުވާތަކެތި ބޭނުން ކުރުން ނުވަތަ މަސްތުވާތަކެތީގެ ވިޔަފާރި ކުރުން އަދި ޚިޔާނާތް ފަދަ ކުށެއް ކުރިކަން ވޭތުވެ ދިޔަ 5 އަހަރު ތެރޭގައި ޝަރީޢަތަށް ސާބިތުވެފައި ނުވުން ހިމެނެ އެވެ.
އަދި ވޭތުވެ ދިޔަ 5 އަހަރު ތެރޭގައި މަނާ ކުރެވިފައިވާ މަސްތުވާއެއްޗަކުން އެކަހެރިވުމަށް ފަރުވާ ހޯދާފައިވާ ފަރާތަކަށް ނުވުމާއި ދިވެހި ރާއްޖޭގައި ރަޖިސްޓްރީ ކޮށްފައިވާ އެއްވެސް ސިޔާސީ ޕާޓީއެއްގެ ރަޖިސްޓްރީގައިވާ މީހަކު ކަމުގައި ނުވުން ވެސް ހިމެނެ އެވެ.
މި މަޤާމަށް އެދި ހުށަހަޅާ ފަރާތްތަކުން މޯލްޑިވްސް ޕޮލިސް ސާވިސް އިން ދޫކުރާ ވަޒީފާ އަށް އެދި ހުށަހަޅާ ފޯމާއި ވަޒީފާ އަށް އެދޭ ފަރާތްތަކުގެ ކުށުގެ ރިކޯޑް ފޯމް ފުރިހަމަ ކުރުމަށް ފަހު ހުށަހަޅަން ޖެހޭ ލިޔުންތަކާއެކު ހުށަހެޅުމުގެ އެންމެ ފަހު ތާރީޚަކީ ޖުލައި މަހުގެ 04 ވަނަ ދުވަހުގެ 14:00 ގެ ކުރިންނެވެ.
ވަޒީފާ އަށް އެދި ހުށަހަޅާ ފޯމް ޝަހީދު ހުސައިން އާދަމް ބިލްޑިންގުންނާއި ފުލުހުންގެ ވެބްސައިޓުން ޑައުންލޯޑް ކުރެވޭނެ އެވެ.
އަދި މި މަޤާމްތަކަށް އެދި ފޯމް ހުށަހަޅާ ފަރާތްތަކުގެ ތެރެއިން މަޤާމްގެ ޝަރުތު ހަމަނުވާ ފަރާތްތަކުގެ ފޯމް ބާތިލް ކުރެވޭނެ ކަމަށް ފުލުހުންގެ އިދާރާ އިން ބުންޏވެ. އެވެ. އަދި އިންޓަވިއު އަށް ކިޔާނީ ވަޒީފާ އަށް އެދި ހުށަހަޅާ ފަރާތްތަކުގެ ތެރެއިން ޝޯޓް ލިސްޓް ކުރެވޭ ފަރާތްތަކަށް އެކަންޏެވެ.