ސުޕްރީމް ކޯޓުގެ ފަނޑިޔާރު އަބްދުﷲ ދީދީ (ޑީޑީ) ވަކިކުރުމަށް ރައްޔިތުންގެ މަޖިލިހުގެ ޖުޑިޝަރީ ކޮމިޓީން ނިންމައި މައްސަލައިގެ ބަހުސް މަޖްލިސް ތަޅުމުގައި ފަށައިފިއެވެ.
ރައްޔިތުންގެ މަޖިލީހުގެ ރިޔާސަތު ބަލަހައްޓަވަމުން ގެންދެވި މަޖްލިސްގެ ނައިބް ރައީސް އީވާ އަބްދުﷲ ވިދާޅުވީ މި މައްސަލައިގެ ބަހުސަށް 2 ގަޑި އިރު ހަމަޖައްސާފައިވާ ކަމަށެވެ.
ފަނޑިޔާރު ދީދީ ވަކި ކުރުމާއި ގުޅޭ ގޮތުން މަޖްލިސްގެ މަމްބަރުން ވަނީ ގިނަ ޝުއޫރު ފާޅުކުރައްވާފައެވެ. އެގޮތުން ތުޅާދޫ ދާއިރާގެ މެމްބަރު ހިސާން ހުސެއިން ވިދާޅުވީ މިއަދަކީ ރާއްޖޭގެ ޖުޑިޝަރީ އިސްލާހު ކުރުމުގެ މަސައްކަތުގައި ވަރަށް މުހިއްމު ދުވަހެއް ކަމަށެވެ.
އެގޮތުން މިއަދަކީ ރާއްޖޭގެ ސުޕްރީމް ކޯޓުގެ ފަނޑިޔާރުންނަށް ތިމާމެން ހިތުހުރު ގޮތަކަށް ފަނޑިޔާރުންނާއި ކޯޓުތަކާއި އަދި ރައްޔިތުންގެ ކަންކަން ނުކުރެވޭނެ ކަން އެނގިގެންދާ ދުވަހެއް ކަމަށެވެ.
ފަނޑިޔާރު އަބްދުﷲ ދީދީ ވަކި ކުރުމަށް ނެގޭ ވޯޓު މިއަދު މެންދުރު ފަހު 1:30 ގައި މަޖްލިސްގައި އޮންނާނެއެވެ.