މޯލްޑިވްސް އިސްލާމިކް ބޭންކް (އެމްއައިބީ)ގެ ހިއްސާ ވިއްކުމާއި، ހިއްސާ އާއި ބެހޭ މައުލޫމާތު ދިނުމުގެ ހަރަކާތެއް މާދަމާ ހުޅުމީދޫގައި ބޭއްވުމަށް ނިންމައިފިއެވެ.
އެމްއައިބީ ހިތަދޫ ބްރާންޗުން ބުނީ މާދަމާ ހުޅުމީދޫގައި ބާއްވާ ހަރަކާތް ފެށުމަށް ހަމަޖެހިފައިވަނީ ހަވީރު 3 ޖަހާއިރު އެސްޓިއޯ ފިހާރަ ކުރިމަތިން ބޮޑު މަގުގައި ކަމަށެވެ. މި ހަރަކާތް އިރުއޮއްސި 6 ޖެހުމާއި ހަމައަށް ކުރިއަށް ގެންދިއުމަށް ވަނީ ހަމަޖެހިފައެވެ.
އެމްއައިބީން ބުނީ މާދަމާ ހުޅުމީދޫގައި ކުރިއަށް ގެންދާ ހަރަކާތުގައި އެ ދެ އަވަށުގެ ރައްޔިތުންނަށް އެބޭންކުގެ ހިއްސާދާރަކަށްވެ ފާހަތި މުސްތަގްބަލަކަށް އިންވެސްޓު ކުރުމުގެ ފުރުސަތު ހުޅުވިގެންދާނެކަމަށެވެ.
އެމްއައިބީގެ ހިއްސާދާރަކަށް ވުމަށް ބޭނުންފުޅުވާ ފަރާތްތަކުން އެންމެ މަދުން ގަނެވޭނީ 20 ހިއްސާ އެވެ. އެ އަދަދުގެ ހިއްސާ ގަތުމަށް ހޭދަވާނީ 700 ރުފިޔާ އެވެ. ހިއްސާގެ އަދަދު 20 އަށް ވުރެ އިތުރު ކުރެވޭނީ ފަހަރަކު 10 ހިއްސާގެ މަގުންނެވެ.
އެމްއައިބީގެ ހިއްސާ ވިއްކުން އަންނަ ސެޕްޓެމްބަރު މަހުގެ 28 ވަނަ ދުވަހާއި ހަމައަށް ހުޅުވާލާފައިވާއިރު ލަސް ނުކޮށް ހިއްސާ ގަތުމަށް އެ ބޭންކުން ދަނީ އިލްތިމާސް ކުރަމުންނެވެ.