ފްލައިމީ އައްޑޫ ފުޓްސަލްގެ ގްރޫޕް މެޗްތައް ރޭ ނިމުމާއި ގުޅިގެން ސެމީގައި ވާދަކުރާނެ ޓީމު ބެލުމަށް ގުރުލުން ބާއްވައިފިއެވެ.
ގްރޫޕް ސީގެ ފަހު މެޗްގައި މެޖެންޓާ ވަނީ އެފްސީ ކަންމަތި 11-0 ލަނޑުން ބަލިކޮށްފައެވެ. އަދި ދެ ވަނަ މެޗްގައި އެމްސީ ޔުނައިޓެޑް އަދި އަބާނީ ބައްދަލު ކުރި މެޗް 2-1 ލަނޑުން ކާމިޔާބް ކުރީ އެމްސީ ޔުނައިޓެޑްއެވެ. ސެކެންޑް ބެސްޓް ޓީމުގެ ގޮތުގައި ވާދަ ކޮށް ރޭގެ ނަތީޖާ އާއި ގުޅިގެން ސެމީގެ ހަތަރުވަނަ ޖާގަ ލިބުނީ ދި ފޭދޫ ސްޕޯޓްސްއަށެވެ. ގްރޫޕް ސީން ސެމީއަށް ދިޔައީ މެޖެންޓާއެވެ.
ރޭގެ މެޗްތަކަށް ފަހު ބޭއްވި ގުރުއަތުގައި ސެމީގެ ފުރަތަމަ މެޗްގައި ގޯދިއްޔާ ނިކުންނާނީ މަލްޓީ ޖީނިއަސް އާއި ދެކޮޅަށެވެ. އަދި ސެމީގެ ދެވަނަ މެޗްގައި ދި ފޭދޫ ސްޕޯޓްސް ވާދަ ކުރާނީ މެޖެންޓާއެވެ.
މުބާރާތުގެ ސެމީގެ މެޗްތައް އޮންނާނީ މިމަހުގެ 29 ވަނަ ދުވަހުގެ ރޭއެވެ.