މިއަދު ރާއްޖޭގެ ގާނޫނު ހަދާ މަޖިލީހުގައި ފެށި ހަތަރުވަނަ ދެކުނު އޭޝިޔާގެ ސްޕީކާސް ސަމިޓުގައި އިންޑިޔާއާ ޕާކިސްތާނާ ދެމެދު ހޫނު ވެފައިވާ ކަޝްމީރުގެ މައްސަލަ ހޫނުވެ ދެގައުމުގެ މަންދޫބުންގެ ބަހުގެ ހަމަލާތަކެއް ބަދަލުކޮށްފިއެވެ.
އެގޮތުން މައްސަލަ ހޫނުވެގެން ދިޔައީ ޕާކިސްތާނުގެ ގާނޫނު ހަދާ މަޖިލީހުގެ ނައިބު ރައީސް، ގާސިމް ސޫރީ ވާހަކަ ދައްކަވަން ފެއްޓެވުމުންނެވެ. ކަޝްމީރުގެ މައްސަލަ ތަޅުމަށް ގެންނެވީ ވެސް ގާސިމް ސޫރީއެވެ. އެއާއެކު އިންޑިޔާއިން ވަނީ ނިޒާމީ ބެހޭ މައްސަލަ ނަންގަވައި ރައްދު ދެއްވާފައެވެ.
ޖަލްސާ ހޫނުވެ ރިޔާސަތުގައި ހުންނެވި ރާއްޖޭގެ މަޖިލިސް ރައީސް ނަޝީދުވެސް ވަނީ ދެގައުމުގެ މަންދޫބުން ސުލްހަ ކުރެއްވުމަށް މަސައްކަތް ކުރައްވާފައެވެ.
ސްޕީކާސް ސަމިޓަކީ ރާއްޖޭގެ އިތުރުން އިންޑިޔާއާ ޕާކިސްތާންވެސް ހިމެނޭ ގޮތަށް 9 ގައުމަކުން ބައިވެރިވާ ސަމިޓެކެވެ. މިސަމިޓު މިއަދާއި މާދަމާ ވެސް ކުރިއަށްދާނެއެވެ.