ނޫސްވެރިޔާ އަހުމަދު ރިލްވާންގެ ތަހުގީގު ކަހީނަކު ބޭނުންކޮށްގެން ޑައިވާޓު ކުރުމަށް މަސައްކަތް ކުރެއްވި ކަމަށް މަރުތައް ތަހުގީގު ކުރުމަށް އުފައްދާފައިވާ ރިޔާސީ ކޮމިޝަނުންގެ ރައީސް ހުސްނުއް ސުއޫދު ވިދާޅުވެއްޖެއެވެ.
ސުއޫދު ވިދާޅުވީ ރިލްވާންގެ ތަހުގީގު ކުރަމުން ދިޔަ އިރު އެތަހުގީގު ކުރުމަށް އޭރުގެ ރައީސުލް ޖުމްހުރިއްޔާ މަސައްކަތް ކުރެއްވި ކަމުގެ ހެކި ލިބިފައިވާ ކަމަށެވެ.
އެގޮތުން ކަހީނަކު ނުވަތަ ފަންޑިތަ ހަދާ މީހަކު ބޭނުންކޮށްގެން ރަމަލަޖަހާ ފާލުބަލައި، އޭރުގެ ކަމިޝްނާ އޮފް ޕޮލިސް ބޭނުން ކޮށް މަސައްކަތް ކޮށްފައިވާކަން އެނގޭ ކަމަށެވެ.
"ފުލުހުންގެ ތަހުގީގުގެ ފޯކަސް އަނބުރާލުމަށްޓަކައި އެތަން މިތަނަށް ފުލުހުން ދުއްވާފައި އެބަހުރި ރޭގަނޑު މާފަންނުގައި ހުރި ގެއަކުން ދަތުރުކޮށް އެތަން މިތަނަށް ކޮމިޝަނާ މެދުވެރިކޮށް ރައީސުލް ޖުމްހުރިއްޔާ ފުލުހުން ފޮނުވާފައިވާކަން ފާހަގަ ކުރެވޭ" ސުއޫދު ވިދާޅުވިއެވެ.
ސުއޫދު ވިދާޅުވީ ރިލްވާންގެ މައްސަލާގައި ކުރީގެ ނައިބް ރައީސް އަހުމަދު އަދީބު އޭރުގެ އިމިގްރޭޝަން ކޮންޓްރޯލާ އާއި ބައްދަލުކޮށް ރިލްވާންގެ ޕާސްޕޯޓު ކޮޕީއެއް ހޯދުމަށް މަސައްކަތް ކުރެއްވިކަން އޭރުގެ އިމިގްރޭޝަން ކޮންޓްރޯލަ މުހައްމަދު އަލީ ހެކި ބަސްދީފައިވާ ކަމަށެވެ.
އަދި އެމައްސަލާގައި ހައްޔަރު ކުރި މީހަކު ދޫކޮށްލުމަށް ނައިބް ރައީސް އަދީބު އޭރުގެ ކްރިމިނަލް ކޯޓުގެ ފަނޑިޔާރު އަބްދުﷲ ދީދީއަށް އެންގި ކަމަށާއި، އެމީހާ އަބްދުﷲ ދީދީ ދޫކޮށްލިކަން އެނގޭ ކަމަށެވެ.
ތަފްސީލް އަންނަނީ…..