ސ. މީދޫ ކުންފުންޏެއް ކަމަށްވާ ފޯ ލިންކްސް ގްލޯބަލް އިން ރޯދަ މަހު ބާއްވާ ޤުރުއާން މުބާރާތުގައި ބައިވެރިވުމުގެ ފުރުސަތު ހުޅުވާލައިފި އެވެ.
އެ ކުންފުނިން ނެރެފައިވާ އިއުލާނެއްގައި ބުނަނީ އެ ކުންފުނިން އިންތިޒާމުކޮށްގެން ބާއްވާ "އައިމިނަތު އިންޝާގެ ހަނދާނުގައި ބާއްވާ ޤުރުއާން މުބާރާތް 1434" އަށް މިހާރު ފުރުސަތު ހުޅުވާލާފައިވާ ކަމަށެވެ.
މުބާރާތް ބޭއްވުމަށް ހަމަޖެހިފައި ވަނީ ޖުލައި މަހުގެ 13 ވަނަ ދުވަހު އެ މީދޫ ޝަރީފީ ޕްރީ ސްކޫލްގަ އެވެ. މުބާރާތުގައި ބައިވެރިވުމަށް އެދޭ ފޯމް www.4linksglobal.com ޑައުންލޯޑް ކުރެވޭނެ އެވެ. އަދި މުބާރާތާ ބެހޭ އިތުރު މައުލޫމާތު ޝަރީފީ ޕްރީ ސްކޫލުންނާއި 9696292 ފޯން ނަމްބަރާ ގުޅުމުން ވެސް ލިބޭނެ އެވެ.
މި މުބާރާތް ކުރިއަށް ގެންދަން ނިންމާފައި ވަނީ އުމުރުން ތިން އަހަރުން ދަށުން ފެށިގެން 21 އަހަރުން މަތީގެ އުމުރު ފުރާތަކަށް ބަހާލައިގެންނެވެ. އަދި މުބާރާތް ކުރިއަށް ގެންދަނީ ނުބަލައި ކިޔެވުމާއި ބަލައިގެން ކިޔެވުމުގެ ބަޔާ އެކުގަ އެވެ.