ގދ. ތިނަދޫގައި ޒުވާން ކުއްޖަކު ދުއްވި ކާރެއް ކޮންޓްރޯލު ނުވެ މޫދަށް ވެއްޓިއްޖެއެވެ.
މިއަދު ހަވީރު 4:30 ހާއިރު ހިނގި މިހާދިސާ ހިނގާފައިވަނީ ތިނަދޫގެ އަލަށް ހިއްކި ސަރަހައްދުގައެވެ.
ތިނަދޫ ކައުންސިލް މެމްބަރ އައްސަދު ވިދާޅުވީ ޒުވާން ކުއްޖަކު ދުއްވި ކާރެެއް ފަހަތަށް ޖަހަން އުޅުމުގެ ތެރޭގައި އޮޅިގެން ރޭހަށް ފިތާލެވުމުން ކޮންޓްރޯލް ނުވެ ހިލަ ތޮށިގަޑު މަތިން މޫދަށް ވެއްޓިފައިވާ ކަމަށެވެ.
މި ހާދިސާ ހިނގި ވަގުތު ޑްރައިވަރުގެ އިތުރުން އިތުރު ޒުވާނަކު ހުރިކަމަށް މައުލޫމާތު ލިބެއެވެ. މި ހާދިސާގައި އެއްވެސް މީހަކަށް އަނިޔާވެފައި ނުވެއެވެ،
މޫދަށް ވެއްޓުނު ކާރު ނެގުމުގެ މަސައްކަތް ކުރަމުން އަންނަ ކަމަށް އައްސަދު ވިދާޅުވިއެވެ.