ދިވެހި ރާއްޖެއިން ލަންކާއަށް ވައިގެ މަގުން މަސްތުވާތަކެތި ބޭރުކުރަން އުޅެނިކޮށް ކަސްޓަމުން ހިފަހައްޓައި އެތަކެތި އަތުލައިގެންފިއެވެ.
ޕާރުސަލްތަކެއް ބަލައި ފާސްކުރަމުން ދަނިކޮށް ފެނުނު މަސްތުވާތަކެތީގެ އަގު ގާތްގަނޑަކަށް 79،200ރ. އަރާނެ ކަމަށް ކަސްޓަމްސް އިން ބުނެފައިވެއެވެ.
ބެލެވޭ ގޮތުގައި ބޭރުކުރަން މަސައްކަތް ކޮށްފައިވަނީ ޕާޓީ ޑްރަގްސްއެވެ. ކަސްޓަމްސް އިން ބުނެފައިވަނީ މަސްތުވާތަކެތި ކަމަށް ޝައްކު ކުރެވޭ 38 ގުރާމު ހުރި 99 ގުޅަ މިޕާރުސަލްތަކުން ފެނިފައިވާ ކަމަށެވެ.
އަދި މިތަކެތި މިހާރު ފުލުހުންނާ ހަވާލުކޮށްފައިވާ ކަމަށާއި ފުލުހުން ތަހުގީގު ފަށައި ކުރިއަށް ގެންދާ ކަމަށް ކަސްޓަމްސް އިން ބުނެފައިވެއެވެ.